US gamsung ah Romaine Lettuce anteh tungtawn in natna kilawh, mi 1 sikhin, 121 cina
USA gamsung ah ankamteh namkhat ahi “Romaine Lettuce” panin akilawhthei E.coli Bacteria lungno aki thehzakna hangin mi 1 in sihlawh khinta cih AFP pan kiza hi.
US Health Authorities te’n Wednesday (May 2) ni in agenkhiatna ah E.coli Bacteria Outbreak hangin asi pen mikhat hiphot a, ahi zongin United States gambup ah acinatlawh mi 121 bang phakhinta hi ci’n genkhia uhhi.
Tua aci natlawh te ii amin apuam akician in “US Centres for Disease Control and Prevention” te’n bangmah pulak khiatna neinailo uhhi. Ahi zongin California sungah mi 24 bangin cinatlawh uh a, mikhat asi akicipen zong California panmah ahihi.
Department of Public Health te’nzong Statement khahkhia uh a, cina te ii athu genkhiatkhuan omlo “Patient Privacy Laws” ahih manin, kuateng cina cih aki pulak theilo ahihi ci’n genkhia uhhi.
Video: One person in California has died as the the result of an E. coli outbreak linked to romaine lettuce. The U.S. Centers for Disease Control and Prevention also report there is now a total of 121 cases. CBS News national correspondent Jericka Duncan has the latest.
US gamsung ah adiakdiak in Winter hunsung akizuak Romaine Lettuce tepen Arizona Area aom Yuma kuamsung pan akiciing vive hizaw hi. Nungkhasung in US Authorities te’n mipi te theihsakna alamdang piankhat nei uh a, Romaine Lettuce tepen Arizona Area, Yama pan hilo cih kiciantak in natheihkei uhleh nekeizaw un ci’n genkhia uh cihi.
US Officials te’n tuciangciang hih E.coli Outbreak tawh kisai in koipan in akipan cihpen pulakna akician in neinailo uh kici a, ahi zongin Arizona aom Farm khatpen E.coli Outbreak tawh kizopna om ahih manin hoihtak aki kanciansan laitak kici hi.
More: Australia gamsung ah gulut tangmai nekhial in asi mi 4 phakhinta
Abeisa 2006 kumsung inzong United States gamsung ah Spinach anteh tungtawn in E.coli Bacteria kilawh a, mi 200 valbang in cinat lawhgawp uhhi. Tuazawh hih Romaine Lettuce buaina pen mitampi anawngkaisak penpen kici hi. US gamsung aom te’n adang nekding aom liamliam nakleh Romaine Lettuce te nekloh photding ahoih zawdiam….. Sawltak #zomidaily
Comment piaknop aomleh...