Cici Nawn Kei Ni
Tungsol khapi hong kiat ding thei ngak hai ngak in ngak nawnkei ni–Namdang ten tuma kum tampilai in huihlak leh Khapi tung nuntakna om maw /omlo c’in siklum khah in thu na kankan khin ta uh hi.
Khapi tung butom in tensawm khin mahtase leh Zomi te’n tuni dong mah Khapi hong kiat ding ngak lai.
I tungsolkha pi cikciang leitungah hong kia sukmawk ding hiam? I kah to zokei zong kah sawm limlim leng zong i tung zokei zong kilamdana tawm bang om zawlai ding hi.
Tua in Zomi te lungsim omzia tampi hong thei sak hi. Thuman in hamsapi aa nasep tantan ding hamsa kisa. Pilna/siamna hauhna sum leh paai i zon ciang zong lamdawt tawn in kizong ahih man in khang tampi ki khomlo pah hi.
Nang na gol ciang bang ut ci’n Sia ten dong in galkap bo pensen, zovokno ut cipah malam. Neu tung pek pan kipantah lo i hihman in i lungsim zulhzau suak hi.
Sang sia te leh nu leh pa pawlkhat bang in a tate tangthu a gen ciang Penglam thu leh Dahpa thu peuh gen ni loh sese. Na tate hong gol uh ciang Penglam bang in hong kheltat in thutak hong genlo ding aa Dahpa bang in hong thadah pah lian ding uh hi.
Mithupi micitak te thu gen zawle cin na tate mithupi micitak suak ding hi.
Ih Gam leh minam i mailam tangthu pen tulaitak aa naupang te leh khangno te tung ki nga hi. Tedim Municipal
Comment piaknop aomleh...