US President Kiteelna Lungluut huai mahmah ~ Khawm Pau

2016 US President kiteelna peen Candidates nih te leitungpian zawh akinaak ko peenpeen in kicianteh hi.

Tu ciangciang ahuampi in Zomi ten Donald Trump kideih in Kawl,Spainish leh Black ten Clinton deih uhhi. Kuanzo ding cih peen kilungluut tek mahmah eigup tek in zoleh ki uttek hi. President ding geel inzong naak hanciam mahmah tuak uha zanhak phial uhhi.

Zomi mee khia thei peen 1,000 iphazodiam cih hi a state tuamtuam ah kiteeng laai ahihman in kuakua ipia zong in ei mee tang peen bangmah kitheithamlo ding dinmun ihihi. Tua ahihman in isep theih alianpeen Pasian kiang ah thungetding in kangaihsun hi.Thu inget ciang zong Topa aw tua nu tuapa zosak in cihpeen Pasian asawl isuak a zahtaklohna ahihi. Tua ahihman in Topa aw kote ading leh US gam ading in hoih nasak peen ngahsak in cihlam hileh Pasian in eisang ahoihding telzaw hi.

2000 Kum in Republican pan President George W Bush leh Democratics Party pan Al Gore te nasiatak in kidem uha ninih sung mee tangsimvaai tawh kibuai in azo alel kitel zolo ahihman thukhenzum kitun uha., Thukhenzum pan Bush zosak uhhi. US President kidemten aneihngeina ahihman in alel ten azote phone tawh pahtawina pia in Alelpan amipi tetung ah lungkiatloh ding hanthotna neidending cih ahihman in uttakei Al Gore in Bush pahtawina pia hi. 2004 Kum in zong John Kerry in tuabang mah hihkik hi.

Tukum peen kibuai mahmah ding in kilam en hi. Ahang peen Pi le Pu a mee tang uh kinaai kikim to mahmah ban ah Repulican Candidate Donald Trump i mipi pawkhat in kapu un alelhleh kitomding ci uha, Al-Qaeda migilo ten zong New York,Texas,LA cihte suamding ci uh ahihman in Security khauh mahmah hi. Tua bek hilo in Mee teng akisimkhit ciang thugenna Pawipi New York Khuapi sung ah mun kizom tiktek in President Candidate nihten bawlsawm uh ahihman in ongkivaat uhdiam cih zong patauh huai mahmah hi.

Bangbang ahizong in Pasian in kilawm kituak asak peen in ongngah ding hilel a Zomi te zong US President kidemte amanciang azo alel kimaitai in na asepkhop bang un uiko ngeuko a kikona te khawlhun thei in khat le khat kimaitai a Christian nuntaak zia a anungta theiding in Topan thupha ongpiakim ta hen!

Khawm Pau