US Musician khat amahleh amah meitawh kihallum, Facebook Live in khah

US Musician khat amahleh amah meitawh kihallum, Facebook Live in khah

USA, Tennessee State sung aom Memphis khuapi ah American Musician khat amahleh amah meitawh kihal in, Facebook Live tawh Video kizaihkawm cih Straits Times pan kiza hi. Tuabang in amahleh amah aki halkhit ciangin a lawmngaihlui “Ex-girlfriend” ii nasepna ah Bar ah taiphei cihi.

Tuapa minpen Jared McLemore kici khat hi a, kum 33 aphakhin khat ahihi. Fox News te genna ah Saturday ni thupiang hi a, tuapa pen amahleha mah datsi “Kerosene” kibuak in akihal khitciangin Ex-girlfriend ii muhnading mun ah taiphei cihi.

Aki ngaihpihlui Ex-girlfriend ii amin pen Alyssa Moore hi a, abeisa in Audio Engineer asem ngeikhat ahihi. (Photo sunga numeipen alawmnu ahihi) Tulaitak in Murphy’s Bar ah asem hi a, tuanu muhding in amahleh amah aki hallum ahihi.

Police te genna ah Jared McLemore pen meikatna tawh zato ah si cihi. Mei kihalsawm amuh ciangin midangkhat in lunghimawh in meisah Lighter aluisakleh amahzong katlawh cihi.

Facebook Live in akizaih, aki khahkhia pen ki phiatkikpah hi. Tua Video sungah Jared McLemore pen akhe pheksa in Murphy’s Bar ii alanglam aom Parking Lot ah datsi “Kerosene” alupan ki buakgawp hi.

Mei akihalsawm ciangin mikhatin Lighter pen suihkhiatsak sawm a, tuakhit ciangin mei kuanggawp hi. Apumpi mei akuangkhit ciangin Jared McLemore pen mi tampi aom zihziahna Murphy’s Bar sungah taiphei in ki awng ngeingai hi.

Mi pawlkhatin meiphelh nadingin apuan Shirts leh Jackets te suahkhia in lawnphei uhhi. Jared McLemore pen alawmnu in ngainawnlo ahih manin, amahleh amah ki lungsim tamkhamsak “Heartbroken” saklua in aki hallum kici hi.

Video akhahna ah amasa in datsi “Kerosene” kibuakgawp masa in. Tuakhit ciangin Facebook Live pen zaihsa in nusia in tawmvei va paikhia hi. Tua hunsungpen Jared McLemore in alawmnu kiangah pai in mangpha “goodbye” ci’n agen in apai hihtuak hi. Akhut laksak in a awmteng zutsak cihi. Apumpibup datsi “Kerosene” tawh kawtcip cih alahnopna hiding kici hi.

More: Indonesia ah pasal khat aki gui awk (Suicide) laitak Facebook Live in khahkhia

Tua khitciangin Facebook Live video sungah hong suakkik in, Kerosene khatvei kibuakkik leuleu hi. Tualaitak in pasal khatin akihelding atheihciang a meisah “Lighter” pen suihkhiatsak hi. Ahi zongin meikuang veve in tuapi tawh alawmnu nasepna mipi lamah taiphei cimawk hi. ZD Sawltak #zomidaily