US, Indiana State ah Kawlgammi khat mawtaw Accident in si

US, Indiana State ah Kawlgammi khat mawtaw Accident in si

USA, Indiana State sungaom Indianapolis International Airport gei, Interstate 70 lamzikpi tungah November 24 ni zngsang 6:25am hunin Accident piang a, Kawlgammi Pu Vanlal Lawmkima akici sanggam Mizo te khatin hong nusia cih Fox59 leh vcth.net pan kiza hi. Pu Vanlal Lawmkima pen Kawlpi, Tahan C vengsung ah ateeng ngeikhat hi a, a UN minpen Daff Lalhmuakliana ahihi.

Amahpen kum 32 aphakhin khat hi a, Tahan Methodist Mission veng aom Pu H.Malswma leh Sayama Lallianpuii te tapa ahihi.

Pu Vanlal Lawmkima pen Amazon 5 Warehouse ah Night shift nasem hi a, zingsang nasep aciah ciangin I-70 lampi gei ah akisuang Signboard khat taihkhiakha in, tuamun ah amahzong sipah hi.

Pu Vanlal Lawmkima ii zat mawtaw pen 2009 Toyota Camry te hi a, banghang in Accident piang cihpen kitheician nailo hi. Mawtaw sung aki et ciangin kawnggak “Seat Belt” bel thuahsa in om ci a, ahi zongin Air Bag kihonglo ci’n Police te’n genkhia hi.

Tulaitak aluanghawm pen Police te khutsung ah omlai a, November 28 ni ciangin asanggam tanau te kiangah apding uh cihi.

Amahpen Malaysia panin USA, Indianapolis atungzawh kum 2 khawng hita hi. Malaysia ahzong azi Pi Matluangi leh atapa Dickson Vanlalhriatpuia te nusia amah alengmasa hi a, US Embassy tungtawn in saptheih nading avaihawm laitak ahihi.

Amahpen Indianapolis aom Mizo Christian Church ah Member khatin akihel banah “Mizo Society of America” ahzong akihel khat cih kiza hi. ZD Sawltak #zomidaily