US in Russia sumbawlte tungah khalna koihbeh

US in Russia sumbawlte tungah khalna koihbeh

Dec. 22, 2016: United States in Russia in Ukraine panin Crimea zahtawh thu tawh laksak hi ci-in zanhal in Russsia sumbawlte (businessmen) leh companyte ngimna dingin khalna/gakna (sanctions) koih beh a, Russia in US in Russia gal bangin hong bawl nuam man hi zaw hi ci hi.

USte hih bangin hong gamtatna pen US President thak dingin Trump in a za a let ma kha khat bek in a sap lai-in US President Barack Obama in a hih theih teng a lahna hi kici a, Trump in bel Russian President Vladimir Putin phat bawl in US-Russia kitaunauna hoihzaw sem bawl ding tangkopih bel in na nei hi.

Trump in US Secretary of State len dingin a min a pulak/seh (nominee) Exxon Mobil Corp Chief Executive Officer Rex Tillerson in bel Russia tungah khalna bawl pen hoih lo hi ci-in na langpang a, 2013 in zong Russia in gamdangmi tungah pahtawina sangpen a piak friendship medal kici na ngah ngei hi. US in Russia tungah khalna a bawl khum pen Russia in Ukraine sim hi ci-in 2014 in na koih khum a, ahih hangin Trump in tua khalna koih lai ding hing hiam cih kitel nai lo hi.

US Treasury in bel Bank Rossiya leh a kizoppih Russian Federation ulian nih tungah khalna kikoih khum hi ci-in pulak hi. Tua loin Crimea tawh kizopna a nei company tuamtuamte tungah ah khalna koih hi. US Treasury in Russian Agricultural Bank subsidiaries 26 leh gas bawl khia (producer) Novatek tungah 2014 in khalna na koih khum hi.

More: Tui pailo ahih manin Malaysia ah Christmas kinam philphelthei

Russian Deputy Foreign Minister Sergei Ryabkov in TASS newste kiangah Barack Obama administration in khalna hong koih khum pen Russia hong galbawlna lahna hi ci hi. US Treasury in Russian sumbawl (businessmen) Bank Rossiya ah executive len leh kizopna a nei mi guk tungah khalna koih khum kik hi.
Source : Reuters/ Thang Khan Lian