US kumpi in Myanmar pen Visa Sanction sungah koihta

US kumpi in Myanmar pen Visa Sanction sungah koihta

US gamsung ah atungsa Myanmar gammi sungpan thumanglo, thukhun zuilo pawlkhat ki hawlkhiatsawm “Deportation” kibawlsawm hi. Ahi zongin Myanmar kumpi in na kuppihlo, na vaihawm pihlo, Myanmar gamsung aki puakkikding na sangnuamlo uhhi.

Tuahangin US kumpi in Myanmar gammi te adingin Visa hamsasak ta “Visa Restriction” ah koihta cih VOA pan kiza hi. US Department of Homeland Security te’n hihvai tawh kisai in News Release khahkhia uh a, tuabangin Visa Restriction ah akikoihpen Myanmar (Burma) leh Laos gamnih ahihi.

Hihvai aki tangko pen zanni Tuesday (July 10) ni hi a, State Department in Myanmar leh Laos gamnih aom Counsular Office (Embassy) ah nasemte thu vaikhak in, Visa gawtna “Visa Restriction” neihding zasak khinta uhhi.

Hih Visa Restriction khaktanna sungah akihel tepen adiakdiak in MOLIP (Ministries of Labor, Immigration, and Population) leh MOHA (Ministry of Home Affairs) sungah Director General panmun panin atuangsiah panmun khatpeuh asemte leh tuate ii innkuanpih tepen B1 Visa (Work) ahi zongin, B2 Visa (Travel) ahi zongin pialoding cihi. Tuabangin Visa Restriction abawl uhpen ahun ciangtan omlo in ki khaktan photding cihi.

DHS (Department of Homeland Security) te genbehna ah Myanmar kumpilam panin panpihna aomtuan keileh tua Visa khakcipna pen kizaisak semsemding “Sanction may be expanded to a wider population” ci’n DHS te’n genkhia hi. (Note: US gamsung ah Pasian thugen in azinzin atamzaw pen B1 kici Business Visa tawh apai uh kici hi)

More: U.S Visa Fee akhang maw akhanglo US paisawm khat i theihding thu

US gamsung ah President Donald Trump in asepzawh abeisa President te sangin agamah aki puakkik “Deportation” tamzaw cihi. Tuavai tawh kisai in BACI (Burmese American Community Institute) ah Chairman asem laitak ahi Dr. Rodinga inzong VOA te tungah genkhiat neihi.

Dr. Rodinga ii genkhiatna ah abeisa 2010 ciangciang Myanmar gammi tepen US panin aki puakkik cihpen omngei khollo hi. Guihtheih khamtheih zatui “Drug” azang nihvei thumvei akimankhin cihte sungpanin khatlehnih aki puakkik cihciangbek kiza ngeihi.

Ahi zongin tulam ciangin zukhamsa in mawtawhawl te khatvei nihvei akimat bektawhzong Myanmar gamah puakkikding cih thu akibawl hongomta hi. Tukum 2018 February khasung in Washington DC aom Myanmar Embassy pan agenkhiatna ah US gampanin Myanmar gam puakkikding, Deportation bawlding in akikoih mi 30 bang pha cih kiza hi.

Tuabangin Myanmar gammi te agamah aki puakkikding ciangin Myanmar kumpi in Passport bawlsak in, akisam khempeuh vaihawmkhawm in ka gammi uhhi ci’n theihpihna aneihkhitciang bekin US kumpi in apuakkhiapan ahihi. Tuabangin vaihawmna te ah Myanmar kumpi in bangmah panpihlo ahih manin, US kumpi in agamah ahawhding Myanmar gammi te gawtna apia ahihi.

Abeisa President Obama hunlai in US gamsung ah alut theiloding in Visa khakcipna akibawl “Recalcitrant” gampen akigawm in gam 23 ahihi. President Donald Trump hunsung ah Recalcitrant pen gam 9 bek hi a, tualak ah Myanmar gamzong akihel ahihi. Sawltak #zomidaily

More: Australia Senator khatin Chin State gambel te vaitawh kisai UNHCR zumpi Geneva ah laikhaksak

DHS Announces Implementation of Visa Sanctions

Release Date: July 10, 2018
On July 10, The Department of Homeland Security (DHS) announced, in coordination with the State Department, the implementation of visa sanctions on Burma and Laos due to lack of cooperation in accepting their citizens who have been ordered removed the United States.

Pursuant to her authority under Section 243(d) of the Immigration and Nationality Act, Secretary of Homeland Security Kirstjen M. Nielsen notified Secretary of State Mike Pompeo that the governments of Burma and Laos have denied or unreasonably delayed accepting their nationals ordered removed from the United States.

As a result, Secretary Pompeo has ordered consular officers in Burma and Laos to implement visa restrictions on certain categories of visa applicants. Without an appropriate response from Burma and Laos, the scope of these sanctions may be expanded to a wider population. The suspension will remain in place until the Secretary Nielsen notifies Secretary Pompeo that cooperation on removals has improved to an acceptable level.