SBS Radio Hakha Chin Program ah asem Salai Biak Za Lian tawh Zomi Media holimna
Dotna: Na min leh , pian na khua leh tu lai tak na teen na leh nasep?
Dawnna: Kei ka min pen Salai Biak Za Lian hi in, Ka pian na pen Thanthlang Khua pan piang ing. Tulai tak pen Western Melbourne ah om ing. Ka na sep pen SBS Radio Hakha Chin Programe ah excutive producer sem ing.
Dotna : Sang kah na te nong gen thei dia?
Dawnna: Bachelor of Art ( Criminal Justice), Master of Social Science leh Tu lai tak PhD ka sin lai tak hi.
Dotna: Australia na tun zawh kum bang zah pha ta?
Dawnna: Australia ka tun zawh kum 13 pha hi.
Dotna: SBS Radio ah Hakha Chin Program na ngah theih na thu nog gen thei dia? Tua khit ciang Bang thu teng gen khia nai vua?
Dawnna: SBS pan Cencus sim in, Pau a thak te kan khia den uh aa, tua a kan khiat na ah 2016 Cencus pan in Hakha Chin pau pen hong mu khia in hong teel khia uh hi. Ko le ko ka han ciam zong hi lo in SBS ii muh khiat na pan a ngah thei hi zaw ung. Gen khiat thu te pen Australia gam sung ah thu le la theih ding ki lawm thu te gen khia ung. Hakha Chin mi sung pan mi min thang te interview na zong bawl zel ung.
Dotna : Hakha Chin program pen mi bang zah in ngai ding cih na um hia?
Dawnna: Tua lian pen research ki bawl zo nai lo in, a hi zong 2016 Cencus pan muh khiat na ah, Hakha Chin Pau a tel leh a pau thei pen mimal 5000 kiim pha ci.
Dotna: Hih Hakha Chin Program ii tup na nong gen thei dia?
Dawnna: Australia gam ah Chin minam te pen Mang pau ki thei kiim lo a hih man in, theih huai thu te Hakha Chin pau tawh gen khia ding leh, Khang thang te in Minam pau a manggilh loh na ding cih tup na pi pen hi.
Dotna: Community pan in panpih na a om hia?
Dawnna : Om mah hi, biak inn tuamtuam te ah thuzaksak na ki nei in, sbs apps te down load ding ki gen kawikawi uh aa, facebook pan in zong hih Hakha Chin radio Program pen ki zasak kawikawi uh hi.
Dotna: Hih SBS Radio Hakha Chin program ah mi bang zah in sem nai vua?
Dawnna: Kei bek hing.
Dotna: Nang bek na hih ciang hak sat na a om hia? Sum leh paai e, Community pan hong support maw a hih kei leh SBS pan kha sum hong pia a hia?
Dawnna : Hak Sat na bel ki pat cil in om mah hi a hi zong tentan kah khit ciang bel hong nuam zaw deuh hi. Sum leh paai tawh ki sai Kumpi fund tawh SBS pan kha sum hong piak a hihi.
Dotna: Australia gam sung ah Community te pen Chin min tawh ki bawl na pi in, hih SBS Radio Hakha Chin Program ah bang hang Hakha Chin cih min bang hang zangh sese nai vua? Hih Radio line pen Hakha Chin te bek aa ding aa hia? A hih kei leh a dang Chin minam tuamtuam te zong huam nai vua?
Dawnna: Hih dot na pen lung lut huai mahmah hi. Hih SBS Radio ah Hakha Chin min pen bang hang zang ka hi uh hiam cih leh theih sa mah bang in Chin State ah Myo 9 om in, Pau ki bang lo hihang! Tua a hih man in Chin cih pen bang Chin cih om lai a hih man in A ki tel sinsen ding in Hakha Chin cih min a pua sak hi ung. Chin State sung ah Common Language nei zo nai lo kii hih man in Hakha cih min a pua sak hi ung. Hakha Language tawh a ki bawl a hih man in, Hakha pau a thei, a pau thei te bek mah bulphuh pen ung.
Video: SBS Radio Hakha Chin Program ah , aa sem a hi Salai Biak Za Lian Tawh Zomi Media pan Holim na Zolai tawh
Dotna: Hih Program pen bang ni teng leh bang hun teng ki ngai thei a hia?
Dawnna: Kal sim Ni 4 ni ni tak nai 4 pan ki ngai thei hi.
Dotna: Hih program pen Podcast tawh hi phot maw a hih kei leh Radio Line tawh ki ngah a hia?
Dawnna: Podcast tawh bek hi phot in, a sawt lo in Radio line tawh ki ngah ding cih lam en ung.
Dotna: Hih Program pen Australia gam sung bek pan ki ngai thei maw a hih kei leh Gam tuamtuam pan leh kawlgam pan in zong ki ngai thei a hia?
Dawnna : Internet om peuh leh ut na na pan ki ngai thei hi.
Hun nong piak lungdam. Topathupha #Zomimedia (Melbourne Australia)
Comment piaknop aomleh...