US House Minority Leader dingin Nancy Pelosi kiteelcing kik

US House Minority Leader dingin Nancy Pelosi kiteelcing kik

Dec. 3, 2016: Trump makaihna tawh Republicans partyte vaihawmna (Trump’s administration) langpang (opposition) dingin US House Minority Leader ah January 3, 2011 panin a len House of Representatives Democratic Leader Nancy Pelosi kiteelcing kik hi. Pelosi pen United States House of Representatives a 52na hi a, 2007 – 2011 kikal na len hi. American khangthu adingin numei lak panin za lian pen (highest-ranking) a len masa pen leh numei House Speaker masa pen hi a, US politiciante lakah a kizahtak mahmah khat ahi hi.

US House Minority Leader zaa len ding kik dingin kum 76 a upa, California mi Pelosi in a kituhpih Rust Belt congressman kum 43 mi Tim Ryan vote 134-63 in zo hi. US President kiteelna ah Democrats ten a lelh manun makai luite laihna leh party siahsuahna neih ding deih a tangkopih a tam mahmah hangin Pelosi in a zaa ngah kik veve hi.

Pelosi in US House ah makai zaa kum 14 na len ta a, Tim Ryan in northeastern Ohio sunga om Youngstown area palai 7 veina (seven-term representative) a letna hi ta hi.

More: Nokia te’n 2017 kumsung in Smartphone hong hawmkhia kikding

Ryan in a beisa kum 18 sungin Democrats ten House of Representatives ah majority kum li bek kingah a, tu tung President kiteelna ah Democrats gum den nasem mi vote neite (working-class voters) gupna kingah loin kiteelna kilel ahih manin Democrats party in nasem mite ading na nakpi takin i sep ding kisam hi ci-in Noverber 8 kiteelna ah Democrats partyte guallelhna hangin amah leh Democrats pawl khat lungkim vet lo uh hi. Source: Reuters/Wikipedia/ Thang Khan Lian