India gamsung ah mopawi bawllaitak mopa thautawh kikaplum

India gamsung ah mopawi bawllaitak mopa thautawh kikaplum

India gamsung ah pasal khat mopawi abawllaitak in alawmte khatin thautawh kaplum cimawk hi. Tuabang in mopa thautawh aki kapluplian laitak pen Video kizaihkha in, Social Media ah ki khahkhiapah hi.

Tua zinei tangvalpa pen amin Sunil Verma kici a, kum 25 aphakhin khat ahihi. Abeisa Sunday ni in Hindu ngeina tawh “Hindu Wedding Rituals” nei in mopawi abawllaitak thautawh a awmsung kikap citciatmawk hi.

Tuabang in mopawi bawllaitak thautawh akappa pen mopa ii alawmte khat kici sawnsawn hi. Video Clip sungah pasal khatin thautawh mopa ngimin kapphei hi.

Pistol tawh angeinai mahmah panin akap hi a, amasa in khatvei kapkhalo in, anihveina ciangin mopa ii a awm kapkha hi. Tuaciang in mopa pen a awm humkawm in, tuakhit ciangin tuksuk kici hi.

Tuabangin mopawi bawllaitak mopa akaplumpa pen Indian police te’n Tuesday ni in mankhiata uhhi. Tuapa in thautawh kakap mahhi ci’n genkhiakhin a, ahi zongin banghangin kap cih athu akician in aki kancian laitak ahihi.

Uttar Pradesh state, Lakhimpur Kheri district panin Investigation Officer Ghanshyam Chaurasia in agenkhiatna ah thaukappa ii athauzat zong ki matsak khinta hi ci’n AFP te tungah genkhia hi.

More: India ah mopawi siimdingin apai Truck mawtawpi khat tuahsia in mi 21 si, 21 liam

Mopawi pen Sunday ni hi a, thaukappa pen akapkhit phetin kihemkhia in taimang vingveng a, Tuesday ni ciangin aki mantheipan ahihi. India gamsung ah mopawi bawllaitak thautawh kikapna buaina tuamtuam pen kizathei zelzel hi. Sawltak #zomidaily