US Election madiak in al Qaeda migilo te State 3 ah ngongtatsawm

US Election madiak in al Qaeda migilo te State 3 ah ngongtatsawm

Mipi in alunglut mahmah US Election pen hongtungding Tuesday, November 8 ni hita hi. Tua Election madiak Monday ni in al Qaeda migilo te’n US gamsung ah ngongtatna neihsawm cih CBS News te’n pulakkhia uhhi.

al Qaeda te’n US gamsung aom State 3 sungah Monday ni in ngongtatna neihding geelna nei uh ahih manin ki ginkholhding U.S. Intelligence in genkhia cihi.

Tuabang in ngongtatna aneihsawmna State 3 tepen New York, Texas leh Virginia te ci a, amun koitenglian cihpen ki genkhialo hi.

Senior FBI Official khatin CBS News te kiangah agenna ah Counterterrorism te leh Homeland Security Communities te akigingsa in om uh a, United States hongkap, hong ngawngkaisak aomleh ki lehdopah dinghi ci’n genkhia hi. Gamsung mipi te ii bitnading Public Safety pen thupi mahmah ahih manin, FBI teleh Federal, State and Local Counterparts te nasemkhawm in nisim in etcikna kineiding hi ci’nzong genkhia hi.

Pawi lianpi leh zumkhak hun Holiday Seasons cihbang aomding ciangin anawngkaisak nuam omtheizel ahih manin thukan te leh kumpi nasem te akigingsa in aomden uh ahihi. Election Day hongnai tawh kizui in Federal Law Enforcement paninzong ahuaisiapen apianphial lehzong bangci sepding cih geelna kineikhol cihi.

Tuaban ah mee piaktheihna Polling Staton te ahzong khatguak in a ngongtat khawng omkhatheiding ahih manin Local Police te aki ginkholhding ki zasakkhin cihi.

Sources: Police in three states warned about potential terror threat

Amun aphual ah ngongtatna banah Election Systems te gamdang panin Foreign Hackers pawlkhat in a nawngkai sakding, Cyber Attack abawl khakdingzong Officials te patau mahmah cihzong kiza hi.

Nungdiak in Australia gamsung ahzong Election mee piak hun laitak in Election Systems te Hackers te’n suksiatsak citciat uh ahih manin, buaituam mahmah uhhi. ZD Sawltak #zomidaily