US gamsung Maryland State, Baltimore ah hongnusia Pa Cin Sian Tuang ii luanghawm pen anuai a hungeelna bangin USA leh Malaysia ah sihvui hunbawlna kinei dinghi.
USA ah
Ani: January 07, 2017 (Saturday)
Amun: March Life Tribute Center
5616 Old Court Rd.
Winsor Mill, MD 21244
– Body Viewing:
11:30am-12:30pm
– Funeral Service:
12:30pm-1:30pm
– Luanghawm vui nading mun (Cemetery):
King Memorial Park
8710 Dogwood Road
Baltimore, MD 21244
Malaysia ah
Malaysia gamsung ahzong apianna apa Pa Nang Za Khup, anu Nu Cing Deih Lun leh sanggam te om ahih manin, KL EBC biakinn Saturday (07 Jan 2017) ni 3pm in hunbawlna kineiding hi.
Pa Cin Sian Tuang ii pianpih sanggam te:
Rev. Khai Sian Pau (USA)
Pa Pau Lian Thawn (Norway)
Pa Thang Sawm Mung (Singapore)
Nu Dim Nuam Cing (Malaysia)
Pa Cin Sian Tuang (Phaiza) hehnep hunbawlna, Kuala Lumpur, Malaysia
https://www.youtube.com/watch?v=y1lSG2I7CN8
ZD Update:
Hongnusia Pa Cin Sian Tuang pen Malaysia, Kuala Lumpur aom laitak Pa Khup (Nang Za Khup) leh Nu Lun (Cing Deih Lun) te tapa neupen ahihi. Malaysia ah atamzaw in theihding in KL leh Tedim, Kawlpi sumkhakna Pa Khup ii tapa ahihi. Khamkhualui pen Tedim Myone sung aom Phaiza hi a, hong zinkhiatma un Tedim ah teengzaw uhhi. ZD Sawltak #zomidaily
Sihkohna leh Dahpihna: Pa Cin Sian Tuang (kum 35)
DC Area gamhuam, Maryland State, Baltimore khua aa ateeng Pa Cin Sian Tuang (@Sut Lam Pum) (Kum 35) [Nu Cing Deih Lian ii Pasal, Lia Khup Sian Lun ii pianna Pa] in tuni zingsang lam (nitak alupna pan zingsang tho nawnlo) in hong nusia ahih manin Zomi Innkuan DC Area (Zomi DCA) pan kidahpih mahmah hi.
Pa Tuang pen EBC-DC pawlpi member khat hi aa, EBC pawlpi kem Sia Pau No ii naupa zong ahi hi. Tua bek thamlo in Pa Tuang pen Zomi DCA member kician khat leh ZIUSA Genvai member khat zong ahi hi. Topan adah akap khempeuh hehnepna hong pia ta hen.
Related: Banghang in kumkhatsung in kumthakni misi tampen citciat hiam? ~ ZD
Information Department
Zomi Innkuan DCA
Tutpih nang mun:
1031 Maiden choice Lane, APT-5
Baltimore, MD 21229
Comment piaknop aomleh...