Upna Thukan ni ~ Matthias Pau Mung

Upna Thukan ni ~ Matthias Pau Mung

A Khatna ah Protrestant te in bangzah tak in piangthak ing a cih hangin, Toap Jesu pen Pasian Tapa ing salo ahih man in, Gupkhiatna ngahlo ding hi. Bang hangin Jesu sanglo ci ka hi hiam? cih leh A amaute in Jesu in Unau sanggam ne ci uh hi . Jh 3:16 Pasian in Tapa 1 bek nei ci hi. a mau te pen Jews biakna te mah tawh ki bang lai uh hi. A piangthak a cih te pen Upna tawh hilo zaw in Gamtatna tawh ahi hi. Zu leh Za , Khaini azang vetlo te a Piangthak hi a, A ngawlzolo te a Piangthklo ahi hi. A piangthaklo te Vangam tunglo ding uh hi. Zu, Za , Khaini, Tuibuk a ngawlzolo Protestant te a dingin Biakinn a paipai hangin Vangam tunglo ding ci uh ahih manin , Lungkham huai mahmah hi.

A Nih na ah Protestant te Upna sungah Thawhkikna omlo leuleu hi, Bang hang hiam cih leh Gimna neu Um lo in Gimna neu tawh kisai Laisiangtho teng Hemkhia uh hi. Thawhkik ni ciang a Thokik ding pen Gimna neu a om Khate bek ahi hi, Toap Jesu in Eite omna ding bawl in pai a, a man ciangin Eite ong la dingin ong kumkik ding hi, Tua hun dingpen Second Coming ahi hi 1Cor 15:52 / 1 Thesalonica 4:16-17 Mihing te ih sih ciangin, Mawhna cinvom cia zong aneilo te bek Vangam tungpah ding a, Khasiangtho a Nialte Maikhang ah zong kimaisak zolo ding ahih manin Hell Meikuangpi sungah Tungpah ding hi, Tua te Nitawp ni ciangin, Vantung a tungsa te lah ong kumkik thei nawnlo ding a, Hell Meilipi sung a tungte zong ong Thokik thei nawn lo ding hi.

Jesu Thugentehna ” Sumhaupa leh Lazaru te tangthu!! ahi zongin Khasiangtho Nialna a hilo mawhna khempeuh Nitawkni ciangin Thawhkikna sungah a kihel dingin Leinuaigam ah Jesu ongpaikik ding Lametna tawh ngak uh hi.1 Peter 3:19 / Tua Munpen Gimna neu kici hi. Hellgam ahilo Leinuai Gam a om Khate in zong Khudin in Jesu a Bia uh hi. Philip 2:10-11 Vantung, Leitung, Leinuai a om khempeuh in , Khukdin in leii khempeuh in ” Jesu Christ Topa hi ci-in Pulak ding uh a, Pasian Min thangsak ding hi . Hih Munah Catholic te bekin Khukdin in Thungen ahih man in, Protestant kihel khalo mawk uh hi.

A Thum na ciangin, Protestant te in Khasiangtho Nial uh hi, Lasiangtho Khasiangtho in a om pih mah bangin, Siangtho Pumpi leh Lenggahzu , zong Khasiangtho in a ompih hi a, Upna tawh sanglo uh a, Phawkna bek tawh bawl hi. Protestant te Biakpiakna Nekkhawm in Tangval Zu nene te in Lenggahzu adawn dawn uh tawh ki za kim hi. Misingtho Paul in Hih Jesu Ankuang Upna leh Mawhna kisikik lo mi te in Jesu Tungah mawhna abawl hi . na ci hi, Khasiangtho a nial te Tukhang , Maikhang ah zong a mawhna ki maisak zolo ding hi.

Gupkhiatna ngahna dingin GAMTATNA thupi hi lo a, Upna Thupi ahi hi, Tua UPNA in Jesu Christ pen Pasian Kammal om mah bangin Pasian Tapa in sang na in , A dik pen Pianthakna Jesu sungah Mithak suahna ahi hi. Peter in nangin A Nungta Pasian Tapa nahi hi, a cih ciangin Jesu in Vantung Gam konghonnna nangmah kong pia hi na ci pah hi. Tua Upna in Vantungam kongpi hong thei ahih na ih telpah hi.

Nazareth Khua mite in Tulaitak a, Protestant Upna mah bangin, Nazareth Khuami Jesu, Na Sanggam te zong James, John, Nangsanggam numeite zong Ko lak ah Mothak a ci ciangin Tua khua ah Jesu in Nalam dang bawl theilo pah lian hi, Bang hang hiam cih leh Thu Um mi omlo a hih man ahi hi.

Jesu in Upna Ankam tang cia na neih uh leh Mualpi kinsak zawhna ding Vangliatna na nei ding uh hi na ci hi. Jesu pen Khasiangtho Gaisak hi a, Pasian Tapa takpi hi ci a,Upna a nei mahmah A Nu Mary Upna hangin, Ahun cing nailopi Canan Mopawi ah Jesu in na Lamdang bawl lel hi.

Upna neimite sungah Jesu in Na lamdang bawl hi. Canan Mopawi – in Tui pan Lengahzu a bawl pen Jesu Nalamdang bawl masa penpen ahi hi. Jesu na lamdang Bawl a nunung penpen in Siangtho Ni 4 ni – in, Lengganzu pen A ma Sisan suaksak hi , Nungzuipite Upna tawh ensak a, Nungzuipi te in Upna tawh Muzopaklo ahih man in, Banghangin Tua Lenggahzu nangma sisan hi thei ding hiam?? a ci uh hi .. Jesu in Hih Ka Si leh Sa anelo dawnlo mi- Kuamah Pa kiang a tung kei dinghi. a cih ciangin Nungzuipi te in Upna tawh sang zo pan uh hi….

Tua Jesu Kammal Tuni tan in Nungta lai hi. Pasian Kammal Beimang lo in Nungta den ahih man in, Upna neilo te a dingin Hih Jesu Si leh Sa in Cimphawng, tawh ki bang lel kha ding hi . A taktak in Cimphawng hilo in, Tawntung Nuntakna ngah na dingin, Jesu Ong kipiakna An ahi hi. Lasiangtho zong Jesu Ong kipiakna An ahih mah bangin, Utna munteng la a, Utlohna Munteng Paaizeu cih pen Khasiangtho Nialna namkhat mah a suak leuleu hi. Lungdam, Sia Matthias Pau Mung (Portland, USA)