2015 Zomi MP te ading thunget sakna
Kawlgam khua hun luanzia zui in hun hong kikhel khel in tu in ilametna ah 2015 November kha ciangin Election thupi takin omdingin ngaihsutna om hi. Hih Election hunpi sungah Zomi mintawh ahizongin , Zomi mimal pan ahizongin MP ngah theih nadingin hanciamna leh lunggulhna om cih innlam pan thu za ihih manin anuai abangin Zomi te in Political lamah dinmun leh panmun kician ingah zawh nadingin thungetna ineih sak dingin kong tangko nuam hi.
MP te ading thu ngetsakna:
1. Pasian azahtak makai ten MP hong ngah nading.
2. Zomi hihna Identity kiptakin alen thei ding ten MP hong ngah nading.
3. Mimal leh innkuan ading bek hilo in Minam bup adingin akalsuan ding ten MP hongngah na ding.
4. Mite lak ah akisam bangin thu leh la asung ziahziah thei ding ten MP hongngah nading.
5. Mipi te adingin ahangsan ngam leh thu hoih amu thei ten MP hongngah nading.
6. Pasian nasem te leh Pasian nasepma athupi sak ten MP hongngah nading.
7. Vision hoih nei in nahoih asem nuam ten MP hongngah nading.
8. Itna leh veina anei ten MP hong ngah nading.
9. Thukhual leh lungduai ten MP hongngah nading.
10. Topa tungah lungdam akosiam thei ten MP hong ngah nading.
Banghangin Gam makai te adingin thu ngetsak taak hiam?
1. Gam makai te hoih leh Pasian lungkimna kingah ding hi.
2. Gam makai te hoih leh zing an nitak an nuam tuam ding hi.
3. Gam makai te hoih leh nuntak khuasak dan kilamsang ding hi.
4. Gam makai te hoih leh Biakna nasepna zong kisuakta ding hi.
5. Gam makai te hoih leh mipi khempeuh suakta in maitai ding hi.
6. Gam makai te hoih leh igam ki ut mahmah ding hi.
7. Gam makai te hoih leh igam hong kipuah ding hi.
Kawlgam sungah Kha leh taksa damna bukim aom nadingin nakpi takin thu ngetsak ciat ni. Topa aw hongdamsak in.II Khang 7:14.
Topan Zomi te zong dinmun leh panmun kician te ah hong kha to tahen.
Thungetna leh lunggulhan tawh,
Rev. Pau Khan Khai.
The Southern Baptist Theological Seminary,USA.
&
Zosiam Gospel Ministry.
Comment piaknop aomleh...