Upna tawh kisai kammal pawlkhat

Upna tawh kisai kammal pawlkhat

1. Tanglai mite in a tung ding honpa a upna uh tawh gupna ngah a, tuhun mite in hong tung khin honpa a upna uh tawh gupna ngah uh hi. “Ding ah” upna le “Khin ah” upna thu ah a Mi kibang veve a, a thu kibang veve-in a gupngahna kibang veve hi.

2. Ci le sa tawh kidim mi in a hi thute umlah in a hilo thute umpah a, thumaan thutak mang nuam loin, thu gina loteng peuh kimang duamduam pahpah hi.

3. Tuhun Christian innkuan sungah haivai a kisa thu pen – thumaan thutak upna tawh nuntak tentanna le gamtatna hi. Thusuak, kamsang kineih, nui, lam, diang, tawn, kilumkhuk, khutkawi tum, awng ziahziah cihte le ut bangteka seide cihte pen haivai kisa nawn loin ahi ding mah (normal) kisa ta hi. A taktak in ci lehang a maan taktak ih Christian thumaan nuntak biakpiak khuasak zia haivai hong sa pen hih seide le a pawlte hizaw uh hi. Amaute in a maizum huai a lam a dian a tawnna uh Lai Siangtho sunga mite in haivai hong ci ding uh hi a cihte hi a, tua pen ih khamitna hi zaw hi ci’n thalakna in nei behlap lai deep uh a, vengsak vengkhang kizopna ah thumaanna maizumpih ngam peuh mah lo uh hi.

LST ih sim ciangin mihingte in a hiding mah in a san khit uh (normal) thute pen paikhialhna hi ci den zaw-a, mihingte in haivai a sak thumaan thutak biakpiak zia le nuntak khuasak ziate pen a maan na ci tawntung zaw hi. Ei thumaan thutak biakpiak zia tawh nungta in a khua sate omzia, sanzia, pomzia le upna haivai hong sa pen a maute hi zaw hi. Kikhel ngei loin a kiptawntung ih Christian thumaan nuntakna le upna maan tawh ih biakpiak khuasakziate haivai tuhun tawh kituak nawn kei hong ci pen a maute hi zaw uh hi.

4. Upna ih ci pen a kingah nam hi a, a kinga nam hi. Faith is receiving from God and resting to Christ.

5. Upna ih cih pen teel ding thu hi lo a, up ding a kul hi. Faith in not an option. Faith is a command!

Evan. Suang Dal