Turkey, Istanbul ah Bomb nihvei puakkham, mi 29 sikhin, 166 liam

Turkey, Istanbul ah Bomb nihvei puakkham, mi 29 sikhin, 166 liam

Turkey, Istanbul khua ah Bomb nihvei puakkham in, akigawm in mi 29 si cih Reuters pan kiza hi. Aliam zong mi 166 bang phadingin kigen a, Istanbul khuapisung Soccer Stadium kici tukpeng tualpi pualam ah apuakkham ahihi. Bomb neivei apuakkham lakpan khatpen Suicide Bomb hiding in ki ummawh hi.

Turkey gam ii Football Top Teams nihte akisuihkhit ciangin palik te ngimna tawh hih Bomb aki puakkhamsak hiding in ki ummawh a, asi mi 29 lak ah palik pen 27 himawk hi. Aliam lakahzong palik tampi kihel cihi.

Hih Bomb puakkham hangin mi 10 kimankhin ci a, Car Bomb khatleh Police Bus ngimin Suicide Bomb aki puakkhamsak hiding in ki ummawh hi.

Turkey President Tayyip Erdogan ii genkhiatna ah Vodafone Arena ah apuakkham hi a, migilo te’n palik te leh khuasungmi te ngimin apuakkhamsak uh hiding ci’n genkhia hi.

More: Malaysia ah Kawlgammi nasemding kipuaksawm nawnlo ahih manin FMM te patau

Tukpeng suih amankhitlian, mi tultampi alom omlaitak in apuakkham ahih manin asi aliam atam hi ci’n genkhia hi. ZD Sawltak #zomidaily