Numeikhat zawhthawh thutawh aki pummatgawp vaitawh kisai in Police te’n mi 4 mankhinta

Update: Numeikhat zawhthawh thutawh aki pummatgawp vaitawh kisai in Police te’n mi 4 mankhinta

Malaysia, Klang vengsung ah numeikhat zawhthawh thutawh aki pummatgawpna Video Clip khat nung Thursday ni in Social Media ah hongki khahkhia hi. Tua numeinu pen Taman Klang Jaya vengsung ah nasemkhat hi a, tua numeinu bawlsiatna vaitawh kisai in Police te’n mi 4 mankhia khinta uh cih theStar pan kiza hi.

KIang vengsung ah palik thunei ahi South Klang OCPD Asst Comm Shamsul Amar Ramli in agenkhiatna ah akimankhia mi 4 te lakah numeinu ii apasal zong kihel cihi. Numeinu ii apasal pen amakai cizawlai hi.

Mi 4 akimat banah mawtaw khat, temta namsau khat leh Mobile Phone honkhatzong ki matsak hi ci’n palik thuneipa in Monday ni in genkhia hi.

Tua Social Media tungah akithehzakgawp Viral Video Clip pen ki hazatna “Jealousy” hang kici hi. Apasal in azi pen hazatna nei ahih manin, azi ii anasepna panin akaikhia cimawk hi.

Video sungah akimuthei bawlsiat zawhthawh athuak nupinu pen amin Komathi Ramachandran kici a, kum 42 aphakhin khat ahihi. Tua nupinu pen alu, aveilam khutngawng, akhe leh anung cihte liamkawikawi ahih manin Seremban Hospital ah zatui kibawl in aomlaitak ahihi. Anuntakna bel bangmah patauhhuai omlo, Stable Condition kici hi. Sawltak #zomidaily

Video: Police are on the hunt for two men who were caught on video violently attacking a woman with a parang in Taman Klang Jaya, Selangor on Thursday. 

March 08: Malaysia ah pasal 2 in numeikhat pummat in mawtaw tawh taikhiatpih 

Pasal 2 in numeikhat zawhthawh thutawh amatgawp, azepgawpna Video Clip khat tuni in Malaysia gamsung ah ki thehzakgawp hi. Tua Video sungah akihel pasal 2 tepen Police te’n akansan laitak uhhi ci’n theStar te’n pulakkhia uhhi.

Tua akithehzak Viral Video Clip tomno pen Malaysia, Klang vengsung aom Industrial Estate, Taman Sentosa sungah akiziah hiding in ki ummawh a, tuni Thursday zingsanglam in thupiang kici hi.

Hihvai tawh kisai in Video sungah akihel pasal 2 te aki kanciansan laitak hi. Tuciangciang athu akitheihna ah hih pasal 2 te lakah khatpa pen numeinu ii apasal hiding in ki ummawh a, innkuansung buaina hangin akitawng, akisat uh hiding in ki ummawh hi ci’n Selangor CID chief Senior Asst Comm Fadzil Ahmat in genkhia hi.

Video akipatcil in pasal khatin numeikhat taalkaihgawp in, Blue Car sungkhatah guansawm hi. Tuabangin akaihgawp, abetgawp laitak pen ageinai aom mi tampitak inzong mukha uh a, Video zong kizaihsim pahhi.

Tuaciangin mawtaw sungpanin pasal adangkhat hong kumkhia in, akhutsung ah temta namsau tawh akibang hiamkhat tawihaha hi. Tuapa zong numeinu omna lamah paiphei in, akhut ah atawi hiamtawh numeinu pen satgawp, zepgawp hileh kilawm hi.

Tuakhit ciangin tua pasal 2 te’n numeinu pen zawhthawh thutawh lemcip in mawtaw sungah guangphei uhhi. Numeinu pen honghuh un ci’n awngvangvang ci a, ahi zongin mawtaw tawh paikhiatpih vingveng uhhi.

More: Kum 19 aphakhin numeikhat innkuanpih te’n alawmngaih tawh awilo in thatlum

Tua numeinu ii apa in hihvai tawh kisai in Police Report bawlkhin a, Police te’n tua pasal 2 te matding in azonsan laitak hi ci’n Southern Klang police chief Assistant Commissioner Shamsul Amar Ramli in genkhia hi. Nungkum December khasung inzong Malaysia, Klang vengsungmah aom Factory khatpan numeikhat thagum tawh ki pummat ngeikhin hi. Sawltak #zomidaily