UNHCR leh Community makai te kamkukpna kinei

UNHCR leh Community makai te kamkukpna kinei

UNHCR thunei CBP te vai hawmna tawh 28-Sep-2021 ni 5:00pm to 6:00pm ciang Community makai teng tawh kamkupna kinei thei hi. UN lam pan in Covid-19 pandemic hangin Malaysia kumpi thukhun zui in UNHCR zumpi kikhak cip in angeina bangin na kisem theilo himah leh ahih theih tawp un Online platform zangin a nasepna te uh hong pulak uh hi.

1. UNHCR zum pan in 29-Sep-2021 aa kipan zum ah pai a kul pelmawh te, Card tettan tuu (Renewal) te SMS pan in appointment kipia ding a, tua appointment ngah te bek zum ah kipai thei ding hi. UN zum ah sapna appointment ngah te in muktuam (Mask) bulh hamtang dingin SOPs thukhun zui hamtang kisam hi.

Appointment (Niciam) hong piak ni-in damlohna khat nei in, a paitheilo dingte in Registration hotline: 017-6143810 (8am to 4pm/Monday to Friday) ah appointment (niciam) ni a tun—ma ni khat in zaksak hamtang ding kisam a, na zaksakna tungtawn in appointment ni ding hong vaihawm sak kik ding uh hi.

2. Bank account hon nading tawh kisai a kisam laite pen Livelihoods te kiangah lai puak ding hi in amau kiangah lai i puakna tung tawn in UN lampan amau na hong sem thei pan ding hi.

3. UNHCR zumpi pen a sawtlo in kihong ta ding hi. Ahi zong in RST, RSD interview ding hilo a, Card tettan tuu (Renewal) tawh kisai lian bek hi ding hi. Tualo adang khempeuh pen a lemtang bang in online platform tungtawn in ahi zongin interview kinei veve ding hi.

4. UN Interview ding Appoinment a ngah khempeuh pen UNHCR phone bektawh hong kisam ding a, phone kingah lo ahih kei leh kileen lo a omkhak leh message tawh appointment hong ki pialo ding hi. Tua ahih manin, na phone ngahlo ahihna tawh kizui in UNHCR pan in phone hong ki call/kisam kik ding hi cihthu theihsakna hong kinei ding hi.

Tuabang message ngah peuhmah in na phone te uh a hun lap in nalet thei ding uh na hanciam ding uh deihsakna tawh hong kizasak hi. Message tawh appointment hong kipiaknop hangin a mi man maw/manlo cih kitheih telnuam ahih manin phone bek tawh hong ki sam ding hi.

5. UNHCR tawh kizopna phone No. a mangsak leh a hang tuamtuam tawh phone No. a thak a tawi te in UNHCR website pan in phone No. kipia thei ding hi.

Hih dotna dawn na hunsung ah zong adikdiak in gambel tampite lak pan in abeisa hunkhat sungin Chinstate pan gambeel mite alomlom in hong nolhna (reject) vai tawh kisai genna kinei kik hi.

More: Malaysia ah Covid-19 Vaccination kisunthei

Hih vai tawh kisai in community makaite in zong lungkimlona kigen in, UN thuneite in khentuam hong nei hi ci in a kigen ciangin, hih vai tawh kisai in UN lampan in UN card kilaksak te vai limtak enpha lai ding uh ahih na thuzong hong gencian uh hi. ZAM iNFO