UN Numei Khawmpi akah ding Zomi Numei Makaite in US Visa ngahta

UN Women CSW61 akah ding Zomi-te’n US Visa ngahta

United Nations Economic and Social Council pan UN Women Pawl innteekna tawh, hong tung ding March 13 pan 24, 2017 kikal sung in New York khuapi UN Zumpi ah a kibawl ding Th Sixty First Session of the Commission on the Status of Women (CSW61) Khawmpi ah Zomi min tawh Zomi Innkuan USA Kipawlna tang’in akah ding anuai a Zomi Numei Makaite/Tangmite/Palaite in US Visa hong ngah zo uh ahih manin kilungdam mahmah hi.

CSW61 Khawmpi ah Zomi Tangmite:

1. Siapinu Ngai Dim Niang, Zonu Tongluan
2. Sianu Niang Theih Kim, Zomi Women Organization Yangon
3. Sianu Niang Khawl Nuam, Zomi Youth Association
4. Sianu Cing Don Niang, Zomi Congress for Democracy
5. Sianu Cing Van Kim, Zingsol. Tedim Post, Zomi Siamsin Kipawlna

Zomi Numei Tangmite cidam takin New York khuapi hong kuan thei a, lawhcing takin Khawmpi akah zawhna dingun thu kingetsak hi. Zomi-te minam dinmun leh Zomi Numeite dinmun alamto zo dingin anungta Pasian in thupha hong piaksak henla, akhut tawh hong kha tahen.

UN Numei Khawmpi akah ding Makaite/Tangmite maban saupi omlai a, khual zinna ding a kipan kithawina ding ciangdong ah kisapna tampi om ding hi. Kiim leh paam leh Zomi a it akua mahpeuh in ahi thei bangin panpih dingin hong kicial hi. Thungetna tawh panpih ni.

Executive Committee
Zomi Innkuan USA

Tang’in;

GSKhup
General Secretary
Tulsa, Oklahoma, USA