Singapore gamsung ah Zika Virus ngah mi 300 phata
Zanni Friday (09 September) ni in Singapore gamsung ah Zika Virus akilawhthak mi 12 ki mukhia leuleu a, zanni ciangciang Singapore gamsung ah Zika Virus angah mi 300 tak phato tamawk hi.
Zanni in Ministry of Health (MOH) leh National Environment Agency (NEA) te in Joint Statement bawlkhawm uh a, hih Zika Virus a ngahthak mi 12 te lakpan mi 10 pen Aljunied Crescent/ Sims Drive/ Kallang Way/ Paya Lebar Way cih vengkuamsung tengpan ahihi ci’n pulakkhia uhhi. Adang khatpen Elite Terrace pan hi a, acianlai Case khatpen koipan ngahkhia cih ki theicianlo hi.
Aljunied Crescent, Sims Drive, Kallang Way, Paya Lebar Way akici hih vengkuamsung tengpan in Zika Virus ki mukhia, kilawhkhia phadiak a, hihkuamsung pan akimukhia Case 252 bang ahihi. Singapore gambup ii Zika Virus kimu khempeuh lakah 80% valpen hihkuamsung pan cimawk hi.
National Environment Agency (NEA) tezong gamsung siantho nading nak hamciam semsem mahmah uh a, Vector Control Operation pen limbawl mahmah uhhi. Aljunied Crescent/Sims Drive/Paya Lebar Way/Kallang Way/Circuit Road/ Geylang East Central/Geylang East Avenue 1; Bedok North Avenue 2/ Bedok North Avenue 3/ Bedok North Street 3; Joo Seng Road; Bishan Street 12; Elite Terrace, Ubi Crescent cih vengkuamsung tengah Vector Control kilimbawl phadiak cih kiza hi. ZD Sawltak #zomidaily
Comment piaknop aomleh...