UK in nungkum Nuclear Missile asit alawhsapna thu Media in pholak khiata

UK in nungkum Nuclear Missile asit alawhsapna thu Media in pholak khiata

Jan. 24, 2017: Nung kum June kha-in UK in Trident submarine panin nuclear ballistic missile sitna (tests) a neih pen a nasep ding bangin nasem lo (malfunction) in a len’na kawi len’ (veering off courrse) gawp napi UK ulian ten lawhcing mah hi ci uh hi. Ahih hangin hih nuclear ballistic missile sitna a lawhsapna thu The Sunday Times in a lawhsapna thu pholakkhia hi.

UK in kum li sungin nuclear missile a sit masak kikna hi a, The Sunday Times in a nuclear missile Florida tuipi pang panin kikap a, America leitang kha dek tak hi ci hi. Hih thusim pen UK Prime Minister Theresa May kiangah BBC interviewer Andrew Marr in a interview na uh-ah li vei tak a dot hangin Theresa May in dawng nuam lo hi.

Tua banah Theresa May in Parliament ah zong hih thu pulak khia nuam lo a, July kha-in Parliament in nuclear missiles puakna dingTrident submarine thak li bawlna dingin UK sum pounds billion 40 ($49.75billion) kiim a thukimna dingin Parliament (House of Commons) na khem in thuzawh hi.

UK in nuclear missile sitna a lawhsapna hangin UK Defense Secretary Michael Fallon in parliament ah Trident submarine-launched fleet ballistic missile thu dotna tuak ding hi. Michael Fallon in nung kum June in Trident II D5 missile kici Florida tuipi pangah sitna kinei in a nasep ding bangin a sep loh manin hih thu Parliament ah dotna tuak ding hi ci-in Nipini in Telegraph newspaper in suaksak hi. Source: Sputnik and Reuters/ Thang Khan Lian