Video: Ui in mawtaw hawlin vanzuakna saikhat nawkkha

Video: Ui in mawtaw hawlin vanzuakna saikhat nawkkha

Pei 3 nei mawtaw “electric tricycle” khat aneipa in aset honsa in akoihpen ui in nahawlsak in, vanzuakna Shop khat phukha cih Video Clip ki minthangsak mahmah hi. Tua thupiang pen China gamsung ah abeisa Sunday (April 22) ni in thupiang kici a, Viral Video kisuaksak hi.

Video Clip sungah pei 3 nei mawtaw khatin vanzuakna Shop khat ii amailam Entrance panin lutsuk zeza hi. Tua vanzuakna Shop pen Jiangsu, Taixing khuasung aom Mobile Phone Shop khat kici hi.

Tuabangin mawtaw khat saisung ah alutsuk zeza ciangin saisung ah vanzuak, nasem in aomte’n lamdang savat mahmah uhhi. Tuaban ah mawtaw sungah ahawl kuamah aomlohlam amuhkhiat uhciangin lamdang sazawlailai uhhi.

Video: A dog drove into a shop in China after its owner left the animal in an electric tricycle on Sunday (April 22). In a video shared on Chinese social media, the vehicle is seen smashing through the entrance of the mobile phone shop in Taixing, Jiangsu

https://www.youtube.com/watch?v=23Bi4Ci2ZEo

Local Media te genkhiatna ah tua Electric Tricycle pen singgah azuak “Fruit Stall” te ii neihsa ci uhhi. Tua Electric Tricycle pen aset honsa in amai ah aki khawlsakpak ahihi.

Tualaitak in uikhat mawtaw amaibuk sungah lutkha in, Gas Pedal pen sikkha citciat ahih manin, mawtaw zong thakhatthu in Mobile Phone Shop sungah alutsuak zeza ahihi.

Tuathu apianlaitak in mawtaw aneipa pen a singgah zuakna ah abuai mahmah laitak hi a, ui in a mawtaw ahawlkhiatlam, buaina apianlam zong theikhapaklo hi.

More: Chin State tuibuahpawi ah sangsia te zawhthawh thutawh lamsaksawm in buaina piang

Hih buaina hangin ganhing hitaleh mihing hitaleh kuamah asi aliam omlo hi. Mobile Phone Shop asiatna khempeuh zong ki bawlsakkik hi ci’n Local News Outlet khat ahi Yangtse Wanbao te’n genkhia uhhi. Sawltak #zomidaily