Biakpiakna = Biaknapia ~ Lengtong Pauno

Biakpiakna = Biaknapia ~ Lengtong Pauno

Tuhun atamzawte’ iTapidaw nuntakziate ka khiinkhai khai teh, iBiakpiakna, iBiakpiakdante pen, Pasian in, Biakngetna in hong ciaptehsak zawkhathei dingin um mahmah ing.

Mipi’mai (or) pulpit pana hong kigenthute nangawn, ei’ phattuampih nuntakpihding sangin, zaknop isak, ilung hongdamsak, hong thangahsak thute bek azanuam, tuadan agente bek thupi asa, Kha tawh kidim’, nel mahmah, valhnop mahmah ei’ icise uhi.

Ikamin aduh, ileii in lim asak, akhum a-al anel anletuite sangin, ikamin aduhloh, ileii in lim asak hetloh anletuite peuh, ipumpi cidam nadingin na hoihzaw thei hi.

Zaknop ngaihnop isakte sang’… zaknop isak khollohte peuhin, ikha cidamsak zawthei hi.

Piakkhiatding sangin ngahding, olnotaka angahnuamte ihizaw gige hi. Piakkhiat sepkhiat dinglam agengente sangin, lakziauding ngahziaudinglam bekbek agengente kipaakta mahmahzaw mawk hi.

Tua hi a…. Nikhat minit 5. ta beek Lai siangtho mah sim tangtangh ni. Pasian kammal tawh nungta in kalsuan’ni. Pasian kammal Lai siangtho lobuang, leitungah suan’ding muan’ding upding khatzong omlo hi. Om mahmah nawnlo hi.

Tu laitak Zomi Tapidawte’ lakah, sawltak Paul hongvak leh lovegift genloh, hun(pulpit)akipia tam? Ci gige ing 🙂

Ka lungdam, Munkhai’pa

KA NGAIHSUT KHAT LEULEU (ZANKHAWNG LEH ZINGKHAWNG)

Abeisani pen, Zanni ici a, hong tungdingni pen, Zingni(zingciang) ici hi.

Ahihmanin, abeisahun bangtanhiam khatpen, Zankhawng icihding hi a, ongtungdinghun bangtanhiam khatzong, Zingkhawng icihding ahi hi.

Mitampi kamzat kamuh kazakte pen,hunbeisa lah, Zankhawng, hongtungdinghun lah, Zankhawng mah kici mawk hi.

“Zankhawngciang kimukik ni” peuh kici mawk. Gtna: “Zankhawng a ka gamtat kampau danin, Zingkhawng ciang, gamta kampau nawnkei ning. Kikheel taktak taning” cihdanin zangtheileeng cih alunggulh ngeungau kahi hi.

Athei kahikei a, aveii kahi hi.
Ka lungdam, Munkhai’pa