Twitter Company te’n Character 280 ki ngahsakta

Twitter Company te’n Character 280 ki ngahsakta

Social Media lakah aminthang leh aki limzat mahmahkhat ahih Twitter te’n laimal aki gelhtheizah pen azahnih in khantoding uh cih Tuesday ni in pulakkhia uhhi. Abeisa in Twitter ah ah laikhat akigelh ciangin Character Limit pen mal 140 bek ahihi.

Ahi zongin tu akipan Twitter ah lai akigelh ciangin 280 Characters ki ngahsakta uhhi. Hihvai tawh kisai in Twitter panin thunei te’n “Character Limit pen ki khantota hi. Mi khempeuh in agelhkhiatnop thute abaihzaw in agelhtheih nadingin akisem ahihi” ci’n genkhia uhhi.

Hih Character Limit pen Language tuamtuam azangte ah damdam in ki laihtoto tading hi. Ahi zongin Japanese, Korean, Chinese tepen Character tawh bangmah nawngkaina omlo ahih manin, hih Language nam 3 tepen a ngeinamah bangding cihi.

Twitter Product Manager Aliza Rosen in agenkhiatna ah hih Character Limit pen 280 ah aki khankhitdeuh ciangin Twitter User tampitak in zangsinpah ngeingai uh a, laimal 280 acindong in Full 280 Limit zangpah ngeingai uh cihi. Ahi zongin pawlkhat in Twitter ah lai tampipi gelhtuanlo uh a, Character 140 zongpen akicing mahmah hilel hi ci’n genkhia hi.

More: Facebook Founder te innkuan in naukemding kumkhat US$110,000 tawh cialsawm

Hih Twitter Update tawh kizui in tulaitak khasim in Twitter azangden Monthly Active User pen 330 Million bang phaden cihi. (Zomi sungah atamzawtham tebel Facebook tawh ki lungkim mahmah lailelhi 🙂 Sawltak #zomidaily