Turkey gam a Russian Ambassor kikaplum
Dec. 20, 2016: Turkey gam-a Russia ambassador Andrey Karlov kici Ankara khuapi ah maan lah khiatna (photo exhibition) hun-ah a thugen lai-in a nung lam panin thau tawh tampi vei kikap in, si hi ci-in Russian foreign ministry spokeswoman Maria Zakharova in live televised statement panin pulak khia ta hi.
Thau kappa pen Turkey police hi a, tua hun in duty pua lo (off-duty) a, Ankara police hi ci-in Ankara mayor in gen hi. Thau kap pa’n Andrey Karlov a kaplup khit khit in, ” Aleppo mangngilh kei un. Allahhu Akbar (Allah pasian lian pen hi). Syria mangngilh kei un. Syria ah hehpihna nei loin a gamta ten a man (price) pia kik ding uh a, khat khit khat in pia ding uh a, sihna bekin hih mun panin hong la khia ding hi. Cidam in hih mun panin ka pusuak kei ding hi,” ci-in a handgun tawi in awng in exhibition hall sunga omte pai khiasak hi.
Local broadcaster NTV television in mi thum in zong liamna tuak a, tuate zato inn ah kipuak hi ci hi. Al Jazeera news live ka etna panin police ten thau kappa kaplum ta uh hi ci-in gen hi (man takpi hiam cih bel kitel nai lo hi)
Ankara khuapi-a photojournalist Diego Cupolo in thau kikapna munah galkap puan silh leh police tampi leh galdona mawtaw (armored vehicles) tam mahmah hi ci-in gen hi.
More: Tui pailo ahih manin Malaysia ah Christmas kinam philphelthei
Andrey Karlav a kikaplup hangin zing ciangin Syria buaina tawh kisai Russia, Iran leh Turkey in nasep khawm ding zia gen khawmna Russiate khuapi Moscow ah a kigeelna bangin kinei veve ding hi ci-in Russian senior parliamentarian Leonid Slutsky in ci hi ci-in Interfax news agency in pulak hi. Source: Al Jazeera and news agencies/ Thang Khan Lian
Comment piaknop aomleh...