Tuni UN Meeting vai thuthak: DHS, Fraud Case

Tuni UN Meeting vai thuthak: DHS, Fraud Case

Tuni Friday (July 20) ni in Malaysia UNHCR uliante leh Chin State sunga Community makai pawlkhat Meeting neikhawm uhhi. Tua Meeting sungah UNHCR ulian te genkhiatna ah DHS Officer (Lahwaka) tepen Malaysia ah August khasung in hong tungding cihi. (DHS = Department of Homeland Security)

USA kumpi in Chin State sungpan gambel Refugee tepen masakdiak “Priority” in koihlai uhhi. Tua ahih manin Chin Refugee te DHS Interview abawlding in Officer honkhat August khasungin Malaysia gamsung ah hong tunbehding uhhi.

DHS Interview angak laitak te’n Phone hongsapleh adawngthei lianlian dingin Ready takin na omding uh thupi mahmahding hi. Chin Refugee te adingin 31 December 2019 pen anunung in hongki ciangtan sakkhinta hi. Tua ahih manin hih DHS Interview phidingpen anunung lametna zong hithei hi.

DHS Interview phiding in hongki sapleh hongki saplaitak lianin Phone alentheipah setsetding in kigingkhol in. Phone lenmanlo ahih keileh Phone Number laihin Update bawllo, aki Contact theilo cihtepen navai hong nawngkaisak mahmah khadinghi.

Fraud Case vaitawh kisai

Fraud Case hangin Interview kibawlkhin, ahi zongin Result hongki pianailo, min alaih nailo tepen amanlangtheipen in nakipawlna Community zumte ah minpiakding thupiding hi.

Resettlement vaitawh kisai

Gamthumna paitheih nading Resettlement vaitawh kisai in gamthumna puakdingin Resettlement Pipe Line sungah atungsa, RST aphikhin, UN inzong na File uh USA ah khaksakding acihte pen Individual Case 5200 bang omlai uhhi. Tuate pen 31 December 2019 ma in US gamsung apaitheih nadingin UNHCR leh USA kumpi te’n hanciamtak in Case Process bawlsakding, vaihawm sakding uh cih Beulah Trends Media pan kiza hi.

More: Malaysia gamsung aom Chin State bup gambel kipawlna ICC makai te leh UNHCR makaipi ki muhkhopna

Tua ahih manin, Phone Number alaih, amangsak cihte’n amanlangin na Phone zatpenpen ii Update bawlsak mengmengding thupi mahmahding hi. Tuaban ah nasepna ah nasep laitak in UN te’n hongsapleh Phone alenthei dingin kigingin, hanciam in. Boss te’n UN Phone letkhuan hongpiaktheih nadinginzong genkholh, ngetkholh akulleh hanciam in. Sawltak #zomidaily