Tungzang ah Sang innpi kang

Tungzang ah Sang innpi kang

Nimit 11/10/2019 zan 11:30pm pawl-in 12/10/2019 zingsang 1:50 am tan phial Tedim pan tai/mile sawmlehgiat a kigamlatna ah a om Tedim Myone Tungzang Khua inn 360 khawng a omna khua ah a om Tansawm sang innpi kang hi.

Koitak pan kipan a koidan a kipan cih akigen theih lo hi-in tulaitak Sangsia/siamate sangkhak in innlam tek azuat laitak hi-in sang innpi akat theih nading lampi pen ngaihsut ham kisa mahmah in electric mei lah kingah nailo hi ci-in Tungzang khangno khat in gen hi.

Tungzang ah Tansawm sang khat le tangli/zolai sang khat om in sangkah mimal 500 pan 600 kiim pha hi.

Tungzang khua pen mimal le inn zong atam pawl hi-in 2015 kawlgam bup kitelpi in ZCD party thapia mahmah in ZCD party gualzawhna khat himah leh tuni tan ciang ZCD huhna panpihna pen genlian ding omlo ci-in Hausa tungpan kiza hi.

5-9/11/2018 nisung Kawlgam bup a Zomi Siamsin Kipawlna , Universities-Myanmar te’n kumsim in abawlzel uh ahi SIAMSIN SEMINAR Tungzang khua ah tunsak ding vaihawmna nei ban ah hih tawh kisai-in Tungzang Siamsin kipawlna makai in Tungzang Global Association in Abeizah sumleh paai lamtawh kisai vaihawm dingin sumkai khawm uh a Tungzang Youth Association in akisam bang in khuasungah panlakna le Hausate makaite’n Uliante vaidawnna zindona kician tak in neihsawm in zin mang ding
-Chin State Kumpi/Gov. lam pan le Pilna sang pawlkhat mipil atuamtuam pai ding cih thu kiza hi.

hih sang innkatna tawh kisai lamdang kisa mahmah in Kipawlna tuamtuam te’n akatna hang koipan kipan bang hangin kang cihte nak kansawm mahmah cih thu kiza hi. Phualva Lungtuak Media