Tulaitak US gam Covid-19 dinmun (July 03)

COVID-19 Alert XXI: Tulaitak US gam COVID-19 dinmun (July 03, 2020)

Johns Hopkins University (Baltimore, MD) leh Worldometer te khahkhiat na tawh kizui in US gam ah zani (Thursday, June 2) ni bek bek in COVID-19 natna ngah thak (new cases) 57232 pha in Coronavirus natna kipat zawh ni khat sung natna ngah atam pen ni a hi hi. Abeisa nipi khat sung US gambup natna ngah thak en kik leng:

• – July 02 (Thursday) – 57232
• – July 01 (Wednesday) – 51095
• – June 30 (Tuesday) – 46070
• – June 29 (Monday) – 44764

~ White House Coronavirus Task force member Dr. Anthony Fauci (Director of the National Institute of Allergy and Infectious Diseases) in US gam mi te i kidawp kei aa, tu aa danin i pai suak leh ni khat sung bek bek mi 100,000 kiim bangin natna ngah thei ding hi hang ci in Senate committee tawh kimuhna ah genkhia hi.

~ COVID-19 cases map (CNN) tung tawn in US state 36 te ah natna ngah khang sem sem aa, state 12 te ah pongman (steady) in state 2 bek ah kiam lam ma nawh cih kimukhia hi. Tua state te lak ah California, Arizona, Texas and Florida ah natna ngah thak saang pen cih kimukhia aa, Thursday ni in Texas ah natna ngah thak 7,500 val, California ah 9,000 val leh Florida ah 10,000 val kibeh lap hi. Ko omna Maryland, Washington DC, Virginia kiim pen pongman (steady state) ah om lai hi.

~ World Health Organization (WHO) te genkhiat mah bangin COVID-19 natna pen bei ding adawn (amawng) zong kimu nailo cih pulaakkhia uh aa, gam tuamtuam aa mipi te kidawp mahmah tek lai ding genkhia uh hi.

~ US kumpi Agency khat ahi US Centers for Disease Control and Prevention (CDC) in July 25 kiim in US ah COVID-19 hangin asi mi 148,000 pha thei ding hi cih projection bawl in taangko khia uh hi.

~ US gam mi tampi in kumpi thu khun te zui lo in, maituam tuah lo leh mihon kikhop nei uh ahih manin tua pan natna kilawh mang hi ci uh hi. Natna kilawh na atamzaw pen mihon omkhopna pan hi ci uh hi. Natna ngah thak khang tek tek ahih manin US gam mun tuamtuam ah akihong khinsa bars, gyms, ansai leh businesses tampi khak sak kik uh hi.

~ Zomi tampi teenna Tulsa khua kiim ah zong natna ngah tak kiam lam nawh lo in khan lam ma nawh nawh lai cih kumpi thu nei te lam pan kiza ahih manin thu ngetna tawh phawk tek hi. Tua ahih manin Zomite in zong i om na ciat ah kidawm tek in kumpi thukhun te zui tek ni. Topan i omna ciat ah hong kembit ta hen. Thomas On Sian Mung (Thomas Mung Guite) Washington D.C July 03, 2020