Santali ~ Zokhai

Santali

Pate’ hunlaai-in gaalkaap khat-pen santali adin ding ciang-in atungsiahpa-in,

“Hongpai bangbang, kuakua hitaleh “Khawl” ciding, akhawl keileh anihveina, athumveina dong ngaihtak ciding, akhawl tuankeileh kaapding” ci-in thupia-hi.

Gaalkaappa-pen santali dingpah sitset-a, asawtlo-in vatawt api leh ano honkhat hongpai liailiai-hi. Gaalkaappa inzong,

“Khawl” ci-giap saamhi. Vatawt nokaaite khawl lo-uh ahihman-in, anihveina,
“Khawl” ci-leuleu-hi. Vatawt nokaaiteng lau-in nawhpai zawsop-a, athumveina,
“Khawl” acihleh vatawt nokaaiteng taai liailiai uhhi. Tua takciang-in,

G3-tawh zialphei-pah datdat-hi. Kaat sungpan-in gaalkaap dangteng leh tungsiahpa hong pusuak zangzang uh-a, “bang kaap nahihiam? kua ahihiam? koilam taaimang-uh ahihiam? ci-in adot ngeingai-uh takciang-in, amaai-a vatawt apalh ziikzeekteng kawk-in,

“Hiah si-mangta uh-ei, athumveina ciangdong “khawl” kacih khawllo-uh ahihciang-a ka-zial sukpah giap hiven”, ci-in angtang mahmah bilbel kici-hi.

Hunlehmual: azia-atong, akiim-apaam, ameel-asa, athu-ala, agui-ahiang ngaihsun lo-a thu khatpeuh sehsuk, lasuk, pangsuk, zialsuk cih-pen atung-a santali-pa’ gamtatzia hi-a, Zomi sung-ah tuabang phialphial kitam mahmah-hi. Zomi neuseek-a zahkona hilo-in, “tuabang lungsim paaikhia tadiam” ci-a lunggulhna hizaw-hi.

Zomi Pasian’ Thupha!

Zokhai

T. Zokhai ITNA-IN GUABANG HINNA-HI
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 560