Tulai Malaysia khuahun (Operasi khauhmahmah ding)

Tulai Malaysia khuahun (Operasi khauhmahmah ding)

01/07/2018 pan kipan in Malaysia gam ah oparasi om ding acih khitciang Kawlgam mi akihel in gam dang mikhempeuh lunghimawh tek cih ka theih ciangin telsiam in kalung himawhpih mahmah hi. Adiakdiak in ka gennop in kimat kihen tawh kisai in Malaysia gam ii Immigration department te in tu a abawl pat uh hilo in kumsim kumsim in geelna khat tawh ahih kinken uh a hi hi.

Tukum adingin alamdang diak ding ah kumpi thakte khakna (phallohna) hangin amasa kumpi thuneite sepsa khempeuh khawlsak in adang athak geelna bawl dingin ngiimna tawh asep uh ahi hi. Kumpi luite in bem tawh om a nasep te kumpi phalna ngaha nasep theih nading 6P Program, 3P Program leh Rehiring Program ci in e-card piakding geelna khempeuh te in khatzong lamet bangin hih theilo hi. Tua geelna te in 30/06/2018 ni in tettan beita ding ahih man in tettan tuu ding maw tuu lo ding cih pen bangmah kician nailo hi.

01/07/2018 khitciang in bem tawh om a nasepte man ding geelna om bangin man ding cih thu agen khiat uh hangin June kha nipi masa pan kipan in Ansai thupi zaw deuhte, Set zum, Inn lam na munte leh mi teenna inn te, KL lutna pusuahna lam te ah palikte, Immigrationte leh mawtaw pikel te in mawtaw te sit in, bus te tungah kah in gamdang mi om dingin muanmawh te sit na abawl thu Malaysia Immigration Page (JIM) ah suaksak uh hi.

Bangbang ahizong hih kimat kihen te in ciangtan nei in man ding uh a,gamdang mi nasep te ateing sawm a sim in om ahih man in camp (11) ah akisap sang tam zaw in koih theilo hi. Hih camp te pen gamdang pan a theihpihna ngah (ISO 9001) standard camp hihna ciamtehna ahih man in akisap sang tam zaw kikoih theilo hi. Azenzen in koih in hileh camp a om te ana asi hong tam leh hih camp pen kisit in ISO ciamtehna ngahna letmat pen kilaksak kik ding hi.

Tua hi in kimat kihen tawh kisai in pautauh lua kei un, azenzen in hing kimat a leh hong buaipih thei ding lawm le gual te phone no. kem in ih pum tungah zong sum tawn khat kem in vaksuk vaklohna ah kiging ciat ding deihsakna tawh kong theisak nuam hi.

More: Kuala Lumpur, Chinatown ah Operasi kibawl in gamdangmi 300 thusitna kinei, 170 kimansuak

Tulaitak PM Mahathi kumpi thakte in gamdang mi nasem omlo in amau gam in sumzongna peuhpeuh ah amau gammi bek tawh kicing zolo hi. Tua ahih man in kimat kihen pen ciangtan khat koih in bem tawh om a nasep te pen kumpi phalna ngah a nasep theih na ding program athak khat bawl in amau gam ii sum lutna nakpi khat ahi gamdang mite pen work permit abawlsak kik thu ka lametna thu kong gen hi. Kawl gam mite kimat kihen tawh kipelh ta un. Cin Ngaih Credit: Thiha Mg Mg