Tulaai leitung Thuthang Tuamtuam Updates October 22, 2014

Tulaai leitung Thuthang Tuamtuam Updates October 22, 2014

· Canada gam Ottawa khuapi a om gaalpi phawkna innpi ah thautawi migilo khat in October 22 ni in Gaalkaap khat kaplum a tuakhit ciang taai in Parliament Innpi ah luut ahihman Innpi cing Palik te tawh tawlkhat akikaap khitciang Thautawi migilo khat si in adang bangzah omlaaiding cih kitheilo ahihman Parliament Innpi kikhaak phot in gaalkaap leh palik athuang thuang in cingzihziah uhhi.

October 21 ni mah in Muslim biakna zui mikhat in Canada gaalkaap nih mawtaw tawh muhgige theih gige in phullum hi. Hih thu te peen tukha kipatlam a Canada in Syria leh Iraq gam a IS te ado US te huhding cih khensatna aneihna pan un migilo te ongkipan uh ahihi. HIh thu te hang in US gam saklam siahteng leh adiak in Innkaangpi omna Washington DC kiim teng ah gamcing leh thukan khauh sak mahmah uhhi.

· Syria gaalkaap te in October 21 nipan October 22 ni kikaal nai 36 sung in Syria gam tapong te leh IS te kuakua cilo in kumpi langdo kheempeuh omna Gaalvanleeng tawh 200 vei akap napan Aleppo khuapi sung IS te galaal vanleeng 3 lakpan nih kapzansak uha akhat zongsaan laaitak uhhi.

US leh Arab beelpawl ten zong akiutek pan nado ciat uh ahihman IS te thaneem tuam mahmah uhhi. Ahizong in alungkham huai kik khat ah nungsungteng a US ten Kurdish gaalkaapte panpih nading Gaalvan leh vanzattuamtuam Kobane khuapi kiang ah akhiat te uh IS te khutsung tung ci in Syria gam encik zaleenna pawlpi te in genkhia uhhi.

· Israel gam Jerusalem khuapi sung a khe tawh khuasung vaak mihon lak Palestinian gampan apai mawtawh hawlkhat pa in amawtaw tawh phul ek a , naungeek kha 1 aphapan khat si pah in adang mi 8 te liamna tawh zato ah kipuak uhhi. Bang ngaihsut na nei bang hang cite Israel thuneiten telkan saan uha, Mataw hawlpa zong zato ah puakphot tadih uhhi.

· Afghanistan President thak liklek ahi Ashraf Ghani China gam ah October sung in ngah hawhding a vaaithupi tuamtuam kikupna neiding ci in China Foreign Department te in October 22 ni in taangkokhia uhhi. US leh NATO te adeih bangphalo ahitam maw China lam aleh taai ci in mipil pawlkhat te in upmawhna genkawikawi uhhi. Lungdam, Thang Khawm Pauzomi