Cialpi hun ki khinto ~ Sia Do Khup
Zomi Evangelist makai Sia Mung leh Sia Hau tawh ka kikum uh a, cidam nading deihna ahih ciangin kumpi thu man dingin ka khensat zaw uh hi. Tua ahih manin crusade bawl nading gelsa a om teng i khinto phot hi. Pul natna in hong ban loin cialpi zopkik baih nading thungen ciat ni.
Lamzang Christian Centenary leh STBA khawmpi ah 2020 March 13-15 nitak sim lungdamna thu tangko, nuam mahmah hi. Ka ngaihno Suan Niang tawh nupa-in ka pai khawm thei uh a, “Tedim Guest House” hotel nuam mahmah ka tung uh a, zan khat Ks.40,000 ding pen Pasian nasem hihna hangin Ks.20,000 bek hong la uh hi. Room gol mahmah hi. Topa in thupha pia semsem ta hen.
Kha lam a tate Pastor tampi leh Ordination ngah khinte tawh kithuah kha kik, nuam mahmah Topa hehpihna hi. Vision tampi hong tangtungsak Pasian hehpihna i phat phapha hi.
2020 March 16 ni-in Lamzang Kha tate tawh ankuang um khawm kinosuak mahmah ciat, nuam lua himai, zan ciahsuk nitak nai 10:00pm in Kalaymyo inn ah cidamin Topa in hong kha hi.
2020 March 17 tuni-in Grace AG ah cialpi tawp ni lungdamna thu tangko thei, Topa Kha in nasem ahih manin nuam mahmah hi. Minthanna khempeuh Topa nang a’ hita hen. Evan. Langh Do Khup (Khuata mipa)
Comment piaknop aomleh...