Tulaai Leitung Thuthang Tuamtuam Updates October 19, 2016

· Ongtungding November 8,2016 niciang a kiteelkhia ding US President ding ahi Sum le Paai Mun le Mual hau Donald Trump leh Cimkilkel Hillary Clinton te tuni taaklam 9pm Washington Time in deihteng cinna Las Vegas khuapi ah kitalsik a kam kinialna atawpna nei ding uhhi. Tuni ciangciang US gambup National poll ahuampi ah Hillary Clinton peen Trump sang in 6% in tamzaw hi. Donald Trump bel US taangthu ah aom ngeinaailo Mee Taang gukna kilanggupna cihte om hi ci in akiim apaam teng hankawikawi mawk hi. President Obama in Leitung pianzawh nangbang kathei naaikei kiteelnaailo a phundum daikhikhe inla Cliton nazaw nading in hanciam lel in ci in October 19, 16 ni in hapba suk ek hi. CNN

· Kawlgam Sagiang Division sung Chin Dwin gunpi tung Minkin leh Mongzua kikaal ah October 15,2016 ni in tuitungtaai mawtaw or Tembaw neu khat kibung a tuni ciang misi luang 51 mupan uhhi. Kumpi thunei te genna ah Tuimawtaw peen mi 38 puathei ding a kumpi tung ah phalna angah hina pi in akibut lian in 300 bang tuangding in lam en uhhi. Tembaw nei pa leh Ahawlpa taaimang pah uh a Palik ten pohmah 288 tawh matding in zongsan uhhi. Zomi te ikihel khatam ci ing. VOA

· 2014 kumpan IS misok te ukcip Iraq gam khuapi nihna ahi Mosul khuapi Iraq gaalkaap te, Kurdish gaalkaap te leh US ten in October 16,2016 ni in pan Gaalmaai kiuthum leh Vantung lam tawh umcih uha, October 19, 16 ni in IS migilo 50 golum khinta uha, Iraq gaalkaap 2 si in 25 liam uhhi. Mosul Khuapi alaak nading uh Km20 kiim kisam laai a IS te zong nadawmtuanlo ahihman in asun azan cilo kanpuak kan bang in puak ziahziah uhhi.CNN

· Kawlgam thukuppih Pi Nu Daw Aung San Suu Kyi peen India gam sung akibawl Bricks Meeting akah khit ciang October 18,2016 ni in India President Pu Innphualzaang vapha in India gam suahtaakna lapa Gandhi han ah vatamlo hi. Nitaaklam in India Kawlgam Palaai phualpi ten ann neekpih uha, October 19, 16 ni in Prime Minister Modi tawh kimu leuleu ding uhhi. VOA

· Philippine gam Manila khuapi sung ah om US Palaai zumpi maai ah Philippine gammi te in US ten Gaalkaap vaai ah Philippine tung ah thuneihna aneihnawnloh nading uh ngetna nei uha, Palik te tawh kihehsuah mang uh ahihman in palik ten lungphona lak mi 23 mancip uha, tudong in buai khengkhang laai uhhi.BBC

Lungdam

Thang Khawm Pau ZOMi
Bowling Green , Kentucky
USA
Cell- 270 -217 9593
Personal [email protected]
School [email protected]