ZCD te maban ki zomzom zo lai
Zomi it teng; ZCD Tedim zumpi pan in makai 5- may17, ni in Phunom leh
Thangnuai khua te ah ki pai in thu genna kinei in Komiti ki phuan zo
hi.
Phunom khua ZBCM pawlpi Canaan Church ah Pasian thu genna hunpi ong
pia uh a,Topa pen Zomi te a ding a hoih mahmah anungta Pasian a hihna
leh tu lai tak Zomi te sungah ih ki sap pi penpen in thu dang ladang
hi lo in Zomi te om nana ah KHA KHAN LAWHNA kisam in thu man lam hilh
Kha siangtho ong lampi na ki sam cih ki gen khia hi.Mipi in zong tha
ngah mahmah uhi.ZCD te bel Politics bek hilo Pasian thu zong vei
mahmah hi mai.Nitak 2–4,pm dong Pu Suang Khat Thang inn ah thu genna
ki nei in,mipi 50 thu gen ngai ong pai uhi.Party dang te gen tawh ki
bang salo uh a lung lut mahmah uh in,Komiti zong ki phuan zo pah
hi.zing ann limtak ong vak uhi.
Thangnuai khua ah zong nitak nai 7—9:15, pm dong thu genna ki nei in
mipi 70 val ong pai uhi. Komiti zong kiphuan zo pah hi.Pu Ngin Khan
Dal ten aak ong gawh uh a nitak ann nuam tak ki nee hi.Zan 11, pm in
Tedim ki tung kik hi.
ZCD in Minam party tawh ih dinna / deihna / a hang leh 2008-
Constitution puah loh a phat mawhna leh Pinlong bulphuh in Federal
Union diktak hih zawh nang ,Zomi pen Taizinta level hih zawhna ding
cih te ki gen hi.
Party dang a pai ten ko kumpi phuanzo ding,ZCD bel phuanzolo ding,
mipi in NLD na piak nop kei vua leh USDP pia zaw un cih na gen uhi.NLD
bulpi ten bel Democracy diktak ci in 2008-Constitution puah ding cih
bek bulphuh uhi,.ei kiang a te leh a bulpi te ngimna ki nak lamdang
kisa hi.ZCD in UNA kipawlna tawh NLD tawh Alliance ki nei a,mi 15 tawh
Constitution puah ding kikum den cih ei lam makai ten za nailo hi kha
ding hi.
Maikal sung in Hualngo kual lam ki zin ding hi.Zomi it khempeuh in ong
panpih ciat ta un.
lungdam Gin Kam Lian
pzl says
Zomi te ii ngaih sut ding khat ah ;Ei Zomi te pen a mihing in ii om ge ga hang in Minam nei lo te (135 leh 53 lak ah ki hel sak lo) ii hi gi ge hi.Tua a hih man in tu lai tak Zomi mimal khem peuh in ki lom khatna tawh ii minam in minam te tawh ki kim zawh na ding(taingyinta) hih zawh na ding a masa pen pen in thu pi ka sa hi.Tua Zomi te minam pi in hong ki ciam tteh ding leh a tang ko ding kumpi tawh aki zom ding Zomi bul phuh ZCD ah ki lom khat masa leng mai lam Zomi te kal suan na hong tang tung leh hong tang zai pan ding hi.NLD;CNDP;CNPP;USDP….cih te pen Kum 5 bek Aamahkhan hi.ZCD/ZNC pen Leitung bei dong a ki khom ding a hi hi.Zomi te mimal tam sem sem aa a tul a za ii hih ciang ii Zomi lah mang nawn lo ding a hi ciang ii ut bang bang Party ki zui thei lua cih ii thei kim hi.Tu laitak tak in pen Zomi mimal inBORN AGAIN ZOMI /NIH VEI NA ZOMI PIANG SAK NA ah Zomi bup ki gawm khawm ni.Pilvang ta ni. Chin cih Bawm sung pan tai khia ta ni.Pasian in code-914 Zomi cih tawh min hong phuak kik khin ta hi.