Tulaai Leitung Thuthang Tuamtuam Updates November 13, 2014

Tulaai Leitung Thuthang Tuamtuam Updates November 13, 2014

· India gam Chhattisgarh state ah sterilization-naukhak or numei gehna hang in numei 15 si ahihman in hih numei get ahi Dr PK Gupta November 12 ni zan in state palik te in a innpan mankhia uhhi. Kiman lo hileh November 15 niciang nai 6 sung agehding numei 80 kigualkhin cizen hi. voanews.com

· US President Obama Kawl kumpi Thein Sein akihel makaai dangpawlkhat tawh November 13, 2014 ni in kimukhawm uha, Kawlgam ah nithak ongsuakta hi ci in ka-um a hizong in kongzin masak 2012 leh tukikaal sumzon nalam, thongkiate khahna cihte leh gamthukhun bawlphatsawmna cihte ah kawlgam tawm khangto a, ahizong in gamvaai kipuahphatna lampi ah tawm nungkin leh thuthangkante gaakna cihte ah tuantual mahmah cih gen hi.

Tua ban ah ameel kisutpihpian Rohingya te gammi suahna vaaiding ah zong panghang mahmah hi. November 14 ni Yangon khuapi ah Daw Aung San Suu Kyi leh kumpi langpang thusuutsiam pawlkhat tawh kimuding a mankhit ciang Australia gam Brisbane khuapi lam zuanta ding hi. voanews.com

· Ukraine gamsung ah Russia gamte Tank,Thaupi tuamtuam leh gaalkap athuangthuang tuma nikhat ninih sung in luutkik ci in NATO Uliante November 13, 2014 genkhia uhhi. US Congress thak tenzong Ukraine vaai ah President Obama in akhauhzaw a na asepnading holhthawhding ci in WH thusapi khat ahi Ben Rhodes in November 13, 2014 ni in gen a Beijing khawmpi ah zong Obama in Russia President Putin kiang ah ahiauhau gen ci hi. Australia gam a tukaalsung kibawlding G20 khawmpi ah kinaakkup mahmah ding uh cihi. Voanews.com

· US leh apawlten nungkaal sung vanlamtawh Iraq gamsung a IS migilo te phualpi akapnapan IS makaaipi Abu Bakr al-Baghdadi liam ahihkeh sikha ding ci in aki upmawh kawmkaal in minutes 17 asau Abu Bakr thugenna IS te November 13, 2014 ni in social media ah khahkhia uhhi. Athugen na ah kasi deksuai kei a, IS ten gaalkaap khatbek anungta laaizong in leitung beidong gaaldo kikhawlloding ci giap hi.bbc.com

· Pakistan gam Punjab state Burewala khua aom kumpi zato khat ah nupi tangek neikhat apasal tawh November 11 ni naupang ensakding in zato pai uha, apasal neekthei leipak ding in minutes 15 sung amankaal in akileh kikciang atabek khansung ah na om ahihman azi azon leh khandangkhat ah mei kisumit sa in nakiphah dingdiang mawk hi. Azi genna ah zato nasem mi 3 in zatui ongsun in ongdeh uh ci hi. Hih mibuan mi 3 te Pakistan palik ten November 13, 2014 ni in Kamanta uh ci in taangkokhia uhhi. bbc.com

· Egypt gam Sinai tuikulh kiang a naseem Egypt tuigaalkaap te November 13, 2014 thautawi pawlkhat in nabankaap uha, tembaw nasem mi 5 liam in gaalkaap 11 mangthang hi. Tuakiim mah ah thautawi pawlkhat mah in Egypt palik 5 nago sawnsawn uhhi. bbc.com

· USA gamte in abeisa 2013 kumpan kipan in Mexico tawh gamgi pan gamgi kantan a US gamsung phaltawh phalloh tawh ongluutsim te daalna ding in Drone kici ahawlneilo Vanleeng te ngaaksak uha, 2013 kumpan tuciang mi US luutsim asawm 50,000 bangman a, maaikum ciang Canada gamgi ah leengsak leuleu ding ci uhhi ci in Associate press ten genkhia uhhi. bbc.com Lungdam, Khialhna aom leh ngaihdam bawm ah maw. Thang Khawm Pauzomi