Tulaai Leitung Thuthang Tuamtuam Updates May 4, 2016

Tulaai Leitung Thuthang Tuamtuam Updates May 4, 2016

· Zomi ten Imuan isuan ahi Kawlgam Pithungsuh Hlutdaw ah Palaaipi Pu Gin Kam Lian, Pu Kham Khan Thang leh Pi Cing Ngaih Mang te May 4,2016 ni in Kawlgambup Construction Minister pa tawh kimu thei uha, asawtlo in Naak zang Lei, Mualbem Lei, Tuithang lei cih te kumpi lamten ongpuah in Taingen- Tedim- Chikha kikaal Mawtaw lampi te ah Kattaza ongphah zihziah nading thute vasung uha, asawtlo in ong ending uhhi. Tua ban ah asawtlo in Meilam thunei tetawh vakimu ding uha, Zogam Vaupaak abatnading in vagending uhhi. ZCD Info

· Amas peen Russia ten Syria gam ah Leilam Gaalkaap tha zang in gaaldona May 4,2016 ni in Aleppo khuapi khunglam ah kipan uha, Syria kumpi langpang te phualpi pawlkhat vanawk uh ahihman in kumpi langpang gaalkaap honpikhat vaphial lum uhhi.VOA

· Iraq gam khunglam ah May 3,2016 ni in IS te leh US Navy Seal kici gaaldo hangsan bek hilo haat in asiam mahmah Gaalkaap te kikaapna nasiatak in oma, US Navy Seal Gaalkaap khat si bengbang mawk ahihman in US te patau simtham uha, May 4,2016 ni in Germany gam ah koici bang a IS te nawkding cih apawlpi gam 11 pan Gaalkaap lam makai te tawh kikum uhhi. CNN

· Gaza kuam pan Israel gam Khamul chiapchuap ten Motor pawlkhat May 3,2016 ni in cimphawng in nalot pheikha uha, Isarel gaalkaap ten zong May 4,2016 ni leiba lohna dan in Gaalvanleeng tawh Gaza khuapi vanpang Siktumpi pawlkhat vahawm leuleu uhhi. Haaretz News Lungdam, Thang Khawm Pau ZOMi (Bowling Green , Kentucky, USA)