Tulaai Leitung Thuthang Tuamtuam Updates March 22 , 2016

• Pakistan gam Neel (Southern) lam Sindh Province sung ah March 22, 2016 ni in Zusia dawn kha in Pasal 22 leh Numei 2 si una, mi 50 vaal te zato inn ah kipuak ci in Palik te in gen uhhi. Pakistan gam peen Muslim gam hi a Zu khawng zang cihtha dah amunuamlo a kingaih sun kawmkaal ah ana naakzatmahmah na uh Akeelluphum uh kidawkta hi.BBC

• Belgium gam Brussels khuapi nawl Zaventem Valeeng tual ah March 22, 2016 ni Bomb nihvei puahkhapna hang in mi 31 si a, mi 250 liam uhhi. CCTV pan bomb puaksak hiding a upmawh mi 2 mu uha, Palik te in asuulzon laaitak uh zong ahihi. Hih sihna peen IS misok te komau vikziau ci in pulaakkhia uhhi. CNN

• IS misok te in June,2014 kumpan kipan tuni ciang Iraq leh Syria gam a palo Leitung gam 20 ah ngongtatna 75 vei bawl uha, mi 1,280 sita in Mi 1,770 liam ci in FBI Director James Comey in March 22, 2016 ni in genkhiatna nei hi.CNN

Lungdam
Thang Kawm Pauzomi