Tulaai Leitung Thuthang Tuamtuam Updates March 21, 2016

· Chin State sung thuvaaihawm pawl Hlutdaw ah Panmun hawmna March 21,2016 ni in nei uha, ZCD Party pan Pu MP Pau Lun Min Thang in State Law Committee ah Secretary ong ngah in Pu Thang Deih Khup in Ethnic Affair Committee ah Member ongngah hi. Chief Minister ding peen tukaal sung in kitelcian ding ci uhhi.ZCD

· North Korea te agampan un nisuahnalam tuipi tung ah agamla lualo kaapna thaupi honpi khat March 21,2016 lawnkhia phei in akiim apaam teng phin phei uhhi. Tutung a a lot khiat uh Thaupi te peen bangnam cih kitellianlo ci in South Korea thunei ten geen uhhi. Kim Jong Un peen Lau huai mahmah ahihman kidop huai hi.VOA

· US President 2016 kiteelna ah tuni ciang Republican Party pan Sumhau Donald Trump amaaipeen ah taai a, Democratic pan Pi Clinton amaai ah taai ahihman in Party nih pan President ding amau geel ongkidemding in mipi in kilam en hi. Ahizong in thu namnih om a tua in Donald Trump peen hauzaw, Clinton peen pilzaw cih hicitciat hi. Pi Clinton in March 21,2016 ni in President ka ngah ngeeingeei leh Israel mite ading nasiatak kapang ding ci in kamciam pia mawk ahihman in Clinton in ngahding in keibang lam en ing zong mee piakpahsawm pian ingh. VOA

· Thulamdang mahmah khat leh akilam en ngamlo thu khat ahi President Obama nithum taamding in Cuba gam March 21,2016 ni in vatung a, Cuba President Raul Castro tawh vakimu taktak ta hi. President Obama Cuba gam ah kiheelna hoih piangtaktak tading ci in cilphuan kaai liang in gen lualua hi. 1959 US President Cuba ahawh masa peen in kiciam teh hi.BBC

· March ,2014 kum a Mi 239 tawh amang Malaysia Vanleeng MH370 abeem I athem hiding a kilam en Vanleeng them khat March 21,2016 ni in Australia gam ah encianding in tungta hi. Vanleeng them peen US ten Mozambique pan February kha a amuh uh ahihi.CNN

· Syria gamsung a gaaldona ah US leh Russia te thukimna bang in US gamte lo ahihman in March 22,2016 ma ongkipuah phat mahmah a amawhna uh ongkipulaak kei uhleh bel khuvaamding hi ci in Russia gaalkaap maangpi LT. General Sergei Rudskoi in March 20, 2016 ni in vau giapta hi.BBC

Gennop tampi tawh hizah cipak ni hunngahlo. Khialna aom khaak aleh ngaihdam bawm ah maw!

Thang Khawm Pau ZOMi
Bowling Green , Kentucky
USA
Cell- 270 -217 9593