Tutung kitelna ah ka dinpih thute ~ Pu Thangboi
– C. Ronaldo a tuntunna ah kilangh lel hi. Tua mah bang in MP sem peuhmah koipan koipan ahi zong in aginat nak leh kidawk lel ding hi.
– ZCD pen minam minpua party hi velval sam ahih man in asih ding bel pammaih kasa mahmah hi. Tua ahih man in ZCD asihlohna ding in ZCD pan atawmpen khat leh nih peuhmah in azawhna ding kasiamtawp in ka panpih ding hi
– Nasep hoih khat sepkhiat theihna ding in kum 5 pen kicing mahmah lel hi. Abeisa kum 5 sung bangmah asemlo te’n mai kum 5 sung zong bangmah sem tuan peuhmahlo ding hi. Tua ahih man in bangmah asemlo khat kapiakkik veve mawk leh mihai mahmah kahi ding hi.
Atom in: Ami lah en ning; aparty lah en ning
Gencianna: Ami ahoih tulvei zong in ka mipihte’ inntek lohna party ahih leh bel piatuan kei ning. (Mipihte’ inntekna party ZCD leh ZNRDP) Aparty ka it mahmah tazong in ami aginat kei leh pia tuan peuhmah kei ning. Zogam ah ki-itna leh kilemna khang semsem ta hen. Mung Laan Thang (Tonzang, Zogam)
2021 – 2025 kum sung Tonzang gam in ih deih
– Cikha dongah maha dat (national grid) tung hamtang ding
– Mizoram Hnahlan tawh nuamtak in kizop theihna ding kumpi in border trade ong honsak ding ih deih hi
– Manipur tawh kizopna anuam ding in Khen Man ah gamgi bazaar honding vai maban zoptoh ding hi
– Khua khat bek tangpuahlo in khua khempeuh ah mawtaw nuamtak atun theihna ding ih kisam hi
– Khua khempeuh ah phone nuamtak akizat theih ding ih kisam hi
– Zanggam tawh kizopna abaihna ding in Ngeisok bawkmual lampi puahbeh (upgrade) kul ding hi
– Tedim gam tawh kizopna anuam ding in Zampi-Tuitang-Keltal-Pangzang-Tuipi-Tungzang lampi sial kul hi
– Tonzang gam ah atawmpen Myo khat behlap huai hi
– Tonzang zatopi atawmpen lupna 50 ahih ding kilawm mahmah sam hi (Chin state ah lupna 25 amah bek omlai hi)
– Meitei vai leh Zavom vai agenngam MP ih kisam hi
– Mipi’ lunggulhna hong thupisim in asepzawh zah hong sepsak ding MP ih kisam hi
Atung a teng hong kamciam ngam a om nak leh kua’ tu kua’ ta cilo in ih piakhuan lian kul ding hi. Ih gam ah kideidanna bei mengmeng hen, Lungdam. Mung Laan Thang (Tonzang, Zogam)
Tonzang pan Chin party losiah party khempeuh in mun 4 bup ah luitek ding ci ei. Tonzang a om party katheih khak teng:
- 1. ZCD
- 2. ZNRDP
- 3. NLD
- 4. USDP
- 5. UBP
- 6. UDP
- 7. CNLD
Chin party in bel State No (1) leh Ahmyothar mun 2 ah dem ding ci hi. “Kidempih” hilel a, “Gal le sa” hi hetlo ahih lam hong phawk ciat vua maw. Kidemna peuhmah ah azo alel aom den hi in zawh ding bek hong kiging kei unla, lelh ding zong hong kiging le uh cin maw. Leitung bei nailo ding hi.
Comment piaknop aomleh...