Tulaai Leitung Thuthang Tuamtuam Updates March 11, 2015

· Leitung ah Numei te kinenniam luatna aphattuam nading, Numei te mawhpuak cihtawh kisai New York khuapi UN zumpi ah khawmpi khat akibawl laaitak hia, tuamun ah Zomi Numei sung ah imuan mahmah amadawkdiak Zolia honpikhat in innteek tangtak in UN leitang tung ah avalup pikpeek laaitak uh ahihi. Bangteng ongpuakhia ding uha, ahihkei leh a UN zum mahmah ah vataamsuakpah phialding uhhiam cih mipi lampan ihmu theilo liang in kingaaklah mahmah hi. Adangtampi te lak ah keitheihpha diak Sianu Ningpi,Sianu Ngaih Lian tegel muziaizuai veng in onggen khiat kik ziahziah dingkaal uh ngaklah mahmah hang. Zomi Innkuan USA

· US gam ah Zomi te teenna khuapi khat ahi Florida state sung Pensacola khuapi kiang ah US Gaalkaap te Black Hawk kici Helicopter saudeudau te 2 tawh kimawl in aomlaaitak uh March 10, 2015 ni zanlam nai 8 pawl in khat leh atung atuang gaal mi 11 mangcip in khat cidam in Eglin Air force Base tungkik hi. Akia hiding in ki ummawh a kizongsaan ci in US kumpi lam thunei te in gen uhhi.BBC

· India gam Prime Minister luui Mr Manmohan Singh leh alawmte mi 5 Suangmeihol tawh theihnading phalna apiaknamun vuah golhguuk ne ahihman in hihthu sittelna athuakding in April 8 niciang thukhenzum kahding in India gam thukhen Zumpi ten March 11, 2015 ni in sapna pia uhhi. Hih thute hang in 2012 India gam in $33billion kisum ci in India gambup sumzat sumzeekna suulzuih pawl in pulaakkhia uhhi.BBC

· A Innpan apaikhia vingveng Israel naupangno kum 19 Mohammed Said Ismail Musallam kicipa Syria gamsung ah IS migo ten Israel thukan hiding in ummawh uh ahihman thatlum uha, athahlupna uh limtaang March 11, 2015 ni in taangpi taangta muhding in khahkhia uhhi. Israel ten akoici thukkik zentam ngaklah huai mahmah ding hi.BBC
Lungdam