Tulaai Leitung Thuthang Tuamtuam Updates July 7, 2016
• US gam Minnesota State leh Louisiana state ah abeisa ninih laai in US Palik ten a Vomte nih Sial talkap in nakap mawk uh ahihman in US gambup a Mipi so in lungphona neiding a ling litlit kawmkaal ah July 7, 2016 ni in Dallas khuapi ah Lungphona na anei mipi te leh Palik buai uha, Mipi ten zong thautawh nakap uh ahihman in Palik 3 si ta in Palik 7 liam ta uhhi. VOA
• US President 2016 Candidate Pi Hillary Clinton in Secretary of state asep sung in ama aituam email azatna tawh kisai in FBI Director James Commey in Clinton in khialhna neikei thubawl taakkei ci himah leh Department of State ten nasiatak in telkan laaiding in July 7, 2016 ni in taangkokhia uhhi. CNN
• Taiwan gam khuapi Taipei khuapi sung ah Khuapi sung taai Meileeng khat July 7, 2016 ni nikaai lam in asung pan bomb puakkham a mi 24 liam in asi bel kaamphatna tawh omsamlo uhhi.BBC
• Iraq gam Baghdad khuapi sung ah July 3,2016 ni IS migilo ten Bomb apuahkhapsak nahang in misi 200 kiim ci a kitaangko pen tuansang tamzaw a misi 292 pha in 200 vaal liam hi ci in Ministry of Health Dept ten July 7, 2016 ni in taangkokhia uhhi. 2003 kumzawh Iraq gam ah thakhat a mi alomsihpeenna in kiciamteh hi. CNN
• Bangladesh gam Dhaka Khuapi pan tai 62 na om Muslim Sholakia kici Muslim te Anntan thungetna phualpi simding in bomb tawh July 7, 2016 ni a apai migilokhat kongcingten namu man in kikaptuah uha, mi 3 si uhhi. Kongcingte na kap man hikei zenen leh Anntan thungeen mipi 300,000 lak ah bomb puahkhap sak asawm ahihi. BBC
• Britain Prime Minister ding kiteelna ah July 7, 2016 ni in Theresa May in mee 199,Andrea Leadsom in mee 84 leh Michael Gove in 46 cih bang in ngah uhhi. Daan tawh kituak in mee atawmpeen ngah Gove kilawnkhia pah a, Theresa May leh Andrea Leadsom te 2 Numei tuak cian liuleu ta uhhi. Amau geel pen Post Office zang in Prime Minister ding kiteelkhia ta ding hi. Azo zawzaw 1990 pan amasa peeen Numei PM ding in kiciamteh hi. BBC Lungdam, Thang Khawm Pauzomi
Comment piaknop aomleh...