Syria galkap te’n Aleppo ah District khat lakbeh

Syria galkap te’n Aleppo ah District khat lakbeh

Nov. 2016: Syria galkap ten ni nih sungin Aleppo nisuahna lam-a rebelste ukna Hanano a lak khit ciangun tu ni-in Jabal Badro district la kik uh a, nautang tampi in zong sihna tuak hi. Local Coordination Committees activist network ten Aleppo nitumna lam Anjara ah zong nautang 15 in sihna tuak hi ci-in gen hi.

Syrian Observatory for Human Rights in hih districtte lakna dingin Syria kumpi in tung lam panin nasia takin kap uh a, tu ni-in Syria kumpi ukna Aleppo nitumna lamah galtai 400 kiim tai uh hi ci-in gen hi. Sheikh Maqsoud in zong Kurdishte ukna panin innkuan 30 galtai uh hi ci-in gen hi. Syrian state media in rebelste ukna panin mi za tampi Syria kumpi ukna lamah tai uh hi ci-in gen hi.

Al Jazeera reporter Osama bin Javaid in tual sung mite Aleppo nisuahna lam panin Syria kumpi ukna lamah tai uh hi ci-in gen hi.

UN ulian ten Aleppo ki-umcihna nisuahna lamah mi 250,000 om lai hi ci-in gen a, Janano panin Syria kumpi ukna lamah tai uh hi ci-in gen hi.

More: Malaysia ah naupang deihdandan kileithei cizen veh aw

Syria kumpi in Aleppo nisuahna lam-ah Syria kumpi in rebels-te kipiak khiatna dingin hun a piak hangin rebels ten thudon lo uh a, rebels ten ten zong nautang mite kihep khitana na a phal loh ban uh-ah a tai khia nuam a kiphinna neite/lungphona neite kaplum uh hi. Source: Al Jazeera News and Agencies/ Thang Khan Lian