Tulaai Leitung Thuthang Tuamtuam Updates July 29, 2015

Tulaai Leitung Thuthang Tuamtuam Updates July 29, 2015

Ø Kawlgam sung muntuamtuam ah guahtam lua ahihman in Kawlpi khuabang Zatopi khangciang tui in tuumta a, Khamtung gamlam zong muntampi tak ah men kicim in khuakhat le khuakhat kikawmna hamsa ahihman in tu abang a apaisuak aleh Zogam sung leh Kawlpi ah Kial tungkha ding ahihman in kipautau mahmah hi.

Tu in Kawlpi ah Vanman a ni anai in kahto ziahziah a Angtang Ipkhat Ks40,000 tungsiah manta hi. Tuaban ah Kawlpi khua sung ah minutes 5 ciang letmat khatta tuikhang mawk ahihman in asun azan ihmulo in aencikding kiseh in dipkua in ki omden hi. Phone pan

Ø Nungkum sung Russia te huh Ukraine Tapong te kaapkhiat Malaysia te Vanleeng MH 17 tawh kisai koicibang a thukhensakding cih UN Security Council July 29, 2015 ni in Ahizong in atuakding peen Russia te mah ahihman in Russia President Vladimir Putin in Veto thuneihna tawh pikkhia ding in kithawithawi ta hi. VOA

Ø Kawlgam kiteelpina 2015 November 8 niciang NLD Party te in Tutna 489 phialmah ah dem ding uha, Kuateng in demding cih Palaai sehkholh te min July 29, 2015 niciang taangkokhia ding ci uhhi.

July 29, 2015 nimah in Kiteelna zumpi ah vagenta uhhi. Azom ah ahaat mahmah SNLD te zong tutna 150 kiim ah demding uhhi. Hih Democracy Party lian 2 te in khangno te leh pilna neite masakcih bulphuh uhhi. Chin state te politics tepawl tawhbel ongkikhai mahmah laaimawk ei! Zogam ah bel Mee kuang naluinop leh sumtuazah ongpiading ci ahaileen ziahziah ta uh hihtuak mai ei. VOA

Ø Israel gaalvanleng ahawlneilo te in Israel gam adosawmte omna mun theihkholhna thusuak ngahvat uh ahihman in July 29, 2015 ni Syria gam tawlam ten vabanzial uha, adeih giugiau uh migilo 3 khawng nuailumpak ci in gen uhhi. CNN

Ø Leitung gambeel tehuh UNHCR te palaaipi khat ahi Kineihsiam a leitungbup a minthang vangvang Angelina Jolie Kawlgam vatung seisai a, July 29, 2015 ni in Kawlgam president U Thein Sein tawh kimu khawm uha tampi tak kiho bualbual mah uh hiven kuaman bangteng kigen uhhiam cih theizo naailo hi. VOA

Ø Egypt gam Cairo khuapi saklam a om Innsung vanzawtbawlna Innpi khat July 29, 2015 ni in meikaang a mi 25 si in 22 akaangbaang sa in zatolam kipuak hi. Meikatna ahang bang cihthu kumpi thunei ten akansaan laaitak uhzong ahihi. BBC

Ø Indian tuipi sungpan Siktumpi lian mahmah simtham khat French Vanleeng zongpawl in July 29, 2015 ni in mukhia uhhi. Hihpeen Nungkum a Mang Malaysia vanleeng MH370 hikha ding in ki ummawh ahihman in mipil te in hi maw hilo cih asit laaitak uh ci hi.CNN

Ø Malaysia gam Kulalumpur khuapi sung a mimat ahaatpeenpeen Bukit Aman Palik zumpi July 29, 2015 ni zanlam nai 7 pawl in Dawl 9 & 10 napan meikaang kipan meikuangheuheu hi. khualaaizang tak ahihman in meiphelh ten vadelh man bilbel uhhi. The Star

Lungdam lua, Facebook group tuamtuam ah kongpost ciang ahangtheilo kimat meeimaai ahihman ongpost nawnkei phot in kei a pan na share sakciat mai un. Thang Khawm Pauzomi