Philippines numei kum 12 aphapankhat awle in petin mangthangcip

Philippines numei kum 12 aphapankhat awle in petin mangthangcip

Philippines gamsung ah numeino kum 12 aphapan khat awle “Crocodile” in taalkaihgawp in mangcip cih AFP pan kiza hi. Police te genkhiatna ah Philippines, Palawan Island sungah thupiang hi ci’n Saturday (November 11) ni in pulakkhia uhhi.

Hih Palawan Island kici tuikulh pen gamdangmi Foreign Tourists zong atam mahmahna Popular Region khat hi a, nungdeuh inzong hihbangin awle vaitawh buaina omngei in, sawt kihal hetlo in apiangkik ahihi.

Tua amangcip numeino pen abeisa Thursday (November 09) ni in gamtaampi “Heavily-forested area” sungah tuitawi dingin asanggamte khattawh apai uh ahihi. A sanggam te muhtangpi mahin tua numeino pen awle Crocodile in petin, kaitaalgawp cihi.

Tuapan in tua numeino pen mangcip a, Police te leh Coast Guard te’n azonkawikawi uhhangin mukhiazo nawnlo uhhi.

Palawan Island sungah khakhatzong kihallo in awle in mi apeh Crocodile Attack pen nihveitak apiangta ahihi.

Nung October khasung inzong tuitawi in apai numeikhat awle in pet a, ahi zongin atute khatin tua awle pen suangtawh denggawp in, ahunlap in hawlkhiathei ahih manin, suakta bilbelhi.

More: Mexico gamsung makaipi Major khatleh ganhing awle kiteeng

Western Island of Palawan pen Philippines gam ii “Last Frontier” ci’nzong kithei mahmah a, tua kuamsungteng ah Saltwater Crocodile akici awle namte tammahmah kici hi. Sawltak #zomidaily