Tulaai Leitung Thuthang Tuamtuam Updates Feb17, 2015

Tulaai Leitung Thuthang Tuamtuam Updates Feb17, 2015

· Iraq gam nitumna lam a om al-Baghdadi khuapi ah IS migilo te in Mi 45 ahing tang in haallum uha, ahal lup mite uh kuami kuasa banghang cihte kitel ciannaailohi ciin Iraq Palik te in February 17,2015 ni in taangkokhia uhhi.BBC

· Afghanistan gam Pil-i-Alam khuapi sung a om Afghanistan Palik zumpi Taliban migilo 4 in February 17,2015 ni in buluh in amau le amau bomb tawh puakkham khawm uh ahihman in Pailik 20 si in 8 liam pha mahmah uhhi.BBC

· India gam ah Prime Minister Narendra Modi akahzawh Biakna neu te kisim mawh in Muslim te Hindu ah kiluutsak, Christian te Biak inn asuksiatsak cihbang in aom hang PM Modi kamka lo ahihman in Delhi khuapi ah Christian ten lungkimlohna nasiatak alahkhit ciang February 17 ni in PM Modi in Biakna khat le khat kisimmawhlo in kilemtak in om un ci in ong Awngkhia petpet sam hi. Nungkum December kha pan Christian Biak inn 5 kisusiatsak khina, Muslim innkuan 50 zawhthawh thutawh Hindu biakna kisuaksak hi. BBC

· Egypt gammi 21 khat Libya gam sung a kibusa IS migilo ten ngawntan in Egypt ten nasiatak in bomb akhiatkhit ciang Libya gamsung ah IS te athahaatna tampi mukhia uh ahihman in UN Security Council Libya gam kician tak a dotheih nading phalna apiak nading in Egypt President Abdel Fattah al-Sisi in UN Security Council tung ah February 17 ni in phalna ngen hi. Hi thu tawh kisai in UN Security Council in February 18 ni ciang thukin thukikupna khat neiding uhhi.BBC

· Kokang leh Kawl gaalkaap te February 9 nipan kipan tuni dong akidona sung ah Kokang gaalkaap 30 kiim si in Khuasung nautang mi 460 bang sikhin a, kisim taktak hileh tuasang tamzaw laaiding ci in Kuanlong MP U Haw Siu Chan in February 17 ni in genkhia hi. Kawlgam gaalkaap ten bel khuasungmi kuamah kathat kei uh ci in nial uhhi. Sen thuthang te ah alimtawh gaalkaap ten khuasung mite tualpi ah kaai in akaplup zihziah na uh lak uhhi.VOA

· IS migilo te in Mihing athat bek hilo in pumpi tung a van kizangthei ding genthena in, Kal,Lungtang,Khuak cihte leh ana na te uh sum zonna in nei in zuakding uhhi. Misi te akitohkik leh avan kisam tampi na om hi ci in Iraq gam UN Palaaipi Mohamed Ali Alhakim in February 17 ni in genkhia hi.VOA Lungdam, Thang Khawm Pauzomi