Tulaai Leitung Thuthang Tuamtuam updates December 17, 2015

Tulaai Leitung Thuthang Tuamtuam updates December 17, 2015

* IS migilo ten asum te uh Bank pan athoh theihloh nading in agamgam pan koici khaktanding cih UN ten December 17,2015 New York Khuapi ah nasiatak in kikum uha, thukimna hoihkhat ngahding in kilam en uhhi. CNN

* Nai 24 sung bekbek in 59 vei gaalsim in kikuan a, IS migilo te phualpi 212 kisusia in IS migilo 320 kigo in IS te Namgimtui phualpu 100 kisusia ci in Russia Defense Minister Sergei Kuzhugetovich Shoygu in December 17,2015 ni in genkhia hi. CNN

* Kawlgam Singnuai thautawi pawl leh kumpi lam kithukimna NCA ah suaikaai kipawlna 8 leh Daw Aung San Suu Kyi December 17,2015 ni nai 1 sung kimukhawm uha, Pi Suut Cing in kilemna ding a amau singnuaimi kipawlna 8 in suai atuamkaih uh peen Chrismas letsong dan giving a gift cih tawh genteh ziau hi. VOA

* US ten Taiwan gam te Gaalvan tuamtuam $1.83billion man zuakding in thukimna leh taangkokhiatna December 17,2015 ni in neita uha, China te naakhehlua so keei pah in alungkimlohna uh pulaakpah uhhi. Taiwan peen Senten kogam aci uhhi.

* Kumsawtpi tak kizopna akitat vilvel Cuba gam leh US gam kikaal Khualzin Vanleeng te leengziahziah in sum zongtheih tading cih gamnih thukimna December 17,2015 ni in ngahta uha, hithu hang in US Vanleeng tawh khualzinna company te kipaak mahmah uhhi. VOA

* 2008 kumpan apeek dildel Leitung sunzonna hang in US ten Bank meet 0% pan December 17,2015 ni in 25% ah khanto ta uh ahihman Asia,,EU Sumzonna te thakhat in kahpah hanhan hi. CNN

* Russia President Vladimir Putin in kumsim aneihdet Leitung thukan tetawh kimuhkhopna December 17,2015 ni in bawl a, 2016 kum US President akahthak peuhpeuh tawh kiptak khut kiletding leh Turkey ten Russia galvenleeng akapkhiatna tawh kisai kiso velvel laia akul leh Syria gam ah Gaalphualpi lamding ci hi.Syria gam tawh kisai in mipi teelcing Makaai ten ukding hi ci in gen hi.VOA

Lungdam ei

Topa’ Thupha maw leh
Sent from my iPhone