Tulaai Leitung Thuthang Tuamtuam Updates August 31, 2015

Tulaai Leitung Thuthang Tuamtuam Updates August 31, 2015

· India gam sung a Zomi te lom omna ahi Lamka khuapi ah Mipi teel palaai MLA (Member of Legislative Assembly) mi 6 te inn mipi in August 31, 2015 ni in halsak uh ahihman in Manipur palik ten mi 4 kaplum uha, mipi kuamah vaaklo ding in thupia uhhi. Hih bang a mipi hehna ongpian nathu peen Manipur Assembly ah thukhunthak namthum thukimna aneihhang uh ahihi. Hih thukhun namthum sung ah athupi peen khat in Zomi leh Kuki te a kipan singtaangmi te neihsa leitang tung ah Meitei leh Naga te a utut in thuneithei ding cih ahihi.

Hih thu tawh kisai Meitei leh Naga te ngetna Zomi mipi teel MLA te in nialngamlo in thukim heihai uh ahihman in mipi in hawl akipan ahihi. Tu in hih thukhun Manipur Governor of Chief Minister pa letmat bek kisam laai hi a Letmat athuh ngeingei leh Zomi ten gamnei nawnlo minam beiding hita hi. Hih thu ah Zomi te Gaalkaap neihsun ZRA zong bang kisuanna nei ahiam tudong bangmah thu gingsak naailo uhhi.

· Malaysia gam mipi te in Prime Minister Najib sum $700 million vaaitawh a tutna pan tuahkhiatding anget uh anithumna August 31, 2015 ni in Najib in isum vaaipeen kei khial kilkel keng in hihzah liang lungphona naneih uh gimhuai kasapeetmah kithutuak zaw ni ci in TV tungtawn in sam hithiat hi. BBC

· Ukraine kumpi te in gamsung a singnuai thautawi tetawh piakding hamphatna tawh kisai akikup laaitak uh Ukraine gam Kiev khuapi aom Parliament Innpi maai ah mipi atul asim in lungphona nei uha, Palik te nasiatak kivaat uh ahihman in palik khat si in 100 liam uhhi. BBC Lungdam, Thang Khawm Pauzomi