Tulaai Leitung Thuthang Tuamtuam Updates August 18, 2015

Tulaai Leitung Thuthang Tuamtuam Updates August 18, 2015

· Leitung piancil pan kipan kipan aom ngeinaai lo Zomi te Taangthu thak onggelh khiading in 2015 kawlgam kiteelpi ciang Tedim gam khenpan Zomi Numei 2,Tonzang pan Numei 1 in MP demding uhhi. Hih peen Zomi te Leitung Level a Pasian in onglapsaangna lahna ahihi. Khalkha lamte bang Numei kuanglui cihthadah in Pasal nangawn cingzolo uh ahihman in Zomi te lak a Uino pawlkhat anacial simsim uhhi.

· Indonesia gam Papua mualtung a August 16,2015 ni a akia khualzin mi 54 apua vanleeng peen Indonesia thunei te in August 18,2015 ni in vatawm zo taktak ta uha, Misiluang 53 tawmkhia uhhi. Apoi na mahmah diakkhat ah hih vanleeng in micimawh huh nading $470,000 apua hi a kaangtum hileh kilawm sawnsawn hi. VOA

· Nung sung a thuthang pawlkhat leh facebook a imuh Tura Swe Mann kiman cihtawh kisai in kiman hilo in USDP Party pan kihemkhia hi a Upper House Speaker seem laai uhhi. August 18,2015 ni a kibawl kiteelpi ma ading anunung peen Parliament khawmpi ah Pi Suu Kyi in Swe Mann tawh kipawlkhawm ding cih taangkokhia taktak hi. BBC

· US gaal kaap Training lak ah ahaksa peen phialding a kilam en Army Ranger Training gualzawhna pawi August 20 niciang Georgia state ah kibawlding a tuamun ah alamdang mahmah Numei 2 in gualzawhna ngahding uhhi. Hih Training peen ni 61 sung hia nikhat nai 20 Training ngeekngeek in tawmvei ta bek ihmu uhhi. Training kahvekpi Pasal 380 leh Numei 7 lakpan Pasal 94 leh Numei 2 in gualzawhna angahding ahihi. BBC Lungdam, Thang Khawm Pau ZOMi (Bowling Green , Kentucky, USA)