Na up hetlohding na lungsim in hongkhem nam 7 te

Na up hetlohding na lungsim in hongkhem nam 7 te

“Gim na ki sak nai kei leh nasep hah kat hi nai kei hi ni teh”. Na sep na hahkat mah mah teh na khuak in zong gim sa mah mah ding hi. Na thuak dan te, na nasep dan te, nang tungah a piang khempeuh na lak zia, tua teng khempeuh pen na khuak in tuat khia(calculated) ziah ziah ahi hi.

Khat vei vei ciang tua te pen khemna hi thei hi

Tu lai tak a na ngaihsutna te pen na khuak in a nawng kai mah mah, thu leh la(information) tampi, lak pan hoih tak in gual din den in na lungnop nang in na khuak in hong bawl sak thei hi. Na lungnop nang te bek ahi hi.

Tua teng lak pan in a thupi lo pawl khat zong om thei veve hi. Tua na khuak ii hong khemna sungah khat vei vei teh nop ki sa mah mah hi. Hi te pen na khuak in hong khem theih te pawlkhat hi;

• 1. Ka nuntakna pen mi pawlkhat te sang hak sa zaw hi ……..
• 2. Bang bang ka hih/sem ta zong in, Ka kaam pai kei. Pasian in thupha hong pia kei ……..
• 3. Sum them beek hau lai leng ka nuntakna hoih tuam mah mah ding a, zong khangto tuam mah mah ding hi veng …..
• 4. Bang bang ka hih/sem ta zong in mite in kei bebek hong mawh sak den uh …….
• 5. Ka hih/sep na khempeuh ah ka khialhna om kei. Ka khialhna mah mah om ngiat kei.
• 6. Kua mah in zong ka thu hong ngai kei in teh, kua mah in zong hong telsiam kei in teh ….
• 7. Hih dan in sem/bawl kik hi leng ki ngah kei in teh, ka hih ngei sa hi…..
• (Hih sungah a om nailo pawlkhat om lai kha ding hi)

Khemna

Ki ngaihsun kik le cin, nang zong khat vei vei teh a tunga te lak pan khat tei tei zangh ngei kha ni teh. Na lungsim hong thanem sak nang, na lungkiat nang leh leitung nungtak na te na muhdah nang bek ahi hi.

Nasep hahkat ding, hanciam takin nasem leng adang te zong lem to diam diam ding hi ci’n na khuak in hong gen sa’ng in, bang bang hi ta leh haksatna tampi a om hang nasep hahkat ding ci bang in na khuak in hong gen ziauh sa’ng, a man a nawngkai pi khat, tel zawh pak loh nang in hong gen zaw thei hi.

Hehna lampi tungah pai na. lungkiat na tuipi sungah hong tumcip sak hi. Hih te pen bang hang hiam cih leh, lau luatna, lungsim gimna, thatang tawlna, mittui luanna, leh si leh sa gimna teng pan hong pom nuam a hih man in na khuak in khat vei vei ciang hong khem ahi hi.

Khemna tawh na nuntakna ki sia sak kei in

Cimawhna, launa, thadahna, hahkat noploh na lungsim te pen na khuak sungah om sak kei in. Na “Upmawhna” te pen a man pah pah hi tuanlo hi. Paulapna hoih te, na khat peuh peuh te hih loh nang kam nial na a hoih na neih te pen a thuman khin pah pah la hi tuanlo ahi hi.

Na pumpi taksa gim luatna te, lungkiatna te, nang leh nang ki muanlohna te tawh nang leh nang man na ki sak hang in, tua te pen khemna hi lai ve ve hi. Tua te pen na lungsim pan paai khia in, lungsim thak leh ngaihsutna thak te tawh na puukna pan na thawh hun ta hi. Gentehna bang in, “bang bang hi ta leh lungkia vet kei ning”. Lai lek: Jerome Khai Source: Business Insider