Tulaai Leitung Thuthang Tuamtuam Updates April 6, 2016

Tulaai Leitung Thuthang Tuamtuam Updates April 6, 2016

· Nung Parliament dawlnih pan kithu kimsa Pi Daw Aung San Suu Kyi Kawlgambup I thudotpi suahtheihna thukhun April 6, 2016 ni in Kawlgam President U Htin Kyaw in thukimna Suaikaai ta hi. Kawlgam sung hita leh Gampua tawh kizopna hita leh Pi Suut Cing peen Alian peen cihtheih hita hi. VOA

· Gamtuamtuam pan mihau te sum seelsimna The Panama Papers ah Kawlgampan Mihau 16 te min kimukhia ci in ICIJ kici leitung thukankual ten April 6, 2016 ni in genkhia uhhi. Hih mi 16 te lak ah Tulaaitak a I Vice President Pa Myint Swe zong nakihel hi. Hih sum kholna ah sum koihte peen atamzaw ngahna manlo te hidiak ci uhhi. VOA

· Italy Foreign Minister Paolo Gentiloni leh Kawlgam President U Thin Kyaw, Foreign Minister & Above The President Daw Aung San Suu Kyi te Nyipidaw ah April 6, 2016 ni in kimukhawm uha, Canada Foreign Minister pa zong kawlgam tungkhin hi. Tulaai tak kawlgam bel Phuitong paak vasa ten abawp mahmah abang ahihi. VOA

· US President Candidate 2016 kiteel kholhna Wisconsin state ah April 5,2016 ni in kibawl a, D Party pan Sanders leh R Party pan Ted te onghaat mahmah in gualzawhna ongngah mawk uh ahihman in mipi lam etna tawh kileh bulh pianpian ta hi. R Party pan kimuang mahmah mihaupi Donald Trump maai ah Ted Cruz ongtaai vava ta a, D Party pan Pi Clinton maai ah Sanders ongtaai ta hi. VOA

· Nungsung teng North Korea Leikhamangpi Kim Jong Un anungzui te that acih peen thumanlo hia, si cihthadah gaalvan hau semsem ahihman thuneihna kip semsem, ding ci in South Korea gam te in April 6, 2016 ni in pulaak khia uhhi. Nuclear bawllah kinawh semsem ahihman in Apu pi khat uh ahi China ten zong Ngun,Kham leh Nagimtui te zuaknawnlo photding in April 5,2016 ni in taangkokhia uhhi. Thang Khawm Pau ZOMi (Bowling Green , Kentucky, USA)